Issiqda ko‘pchilik makiyajni kamaytirishga harakat qiladi, ammo bu yetarli emas. Teringizga salbiy ta’sir ko‘rsatadigan kuchli quyosh nuri, shahar changi, quruq havo kabi omillar ko‘p. Shuning uchun yoz faslida SPF vositalari, yengil pardoz va namlantirish juda muhim. Tonal krem o‘rniga praymerdan foydalaning Odatda jaziramada pardoz vositalarining sonini iloji boricha kamaytirgimiz keladi. Agar teringizda jiddiy muammo bo‘lmasa va uni yashirishga ehtiyoj bo‘lmasa, pudra yoki praymer ishlating. Bu makiyaj uchun asos bo‘lib, odatda terini tekislaydi va namlantiradi, ammo “niqob” effektini bermaydi. C vitamini mavjud geldan foydalaning Albatta, yuzingizga limon surtish shart emas, lekin tarkibida C vitamini yoki limon kislotasi mavjud bo‘lgan gel yoki ko‘pikni olib, kechqurun yuvinish mumkin. Bunday vositalar terini chuqur tozalashda juda yaxshi samara beradi. Biroq yuvinish vaqtida terida tortilish hissi paydo bo‘lishi mumkin. Teringizni tinchlantirish uchun tonikdan foydalanib, uning pH muvozanatini tiklang, so‘ngra esa aloe, bodring yoki gialuron kislotasi asosidagi namlantiruvchi vosita bilan teringizni oziqlantiring. SPF vositalarini unutmang Gil niqoblardan foydalaning Yog‘li va muammoli teriga ega bo‘lganlar uchun bu vosita teridan keraksiz moddalarni “tortib olish” uchun juda yaxshi yechimdir. Niqobdan so‘ng esa albatta namlovchi krem surting. Axir yozda ham teriga namlik kerakligini bilasiz-a? Kosmetika vositalarini imkon qadar kamaytiring Issiq kunlarda go‘zallik parvarishini ortiqcha vositalar bilan yuklash tavsiya etilmaydi. Siz faqatgina quyidagilarni ishlatishingiz mumkin: yuz yuvish uchun gel yoki ko‘pik, terini mattlashtiruvchi losyonlar, yuz va ko‘z atrofi uchun yengil fluidlar hamda tunda surtadigan yengil krem. Teermal suvni yoningizda olib yuring Issiqda har doim yoningizda termal suv olib yuring. Chunki ofis yoki uyda ishlayotgan konditsionerlar teringizni qattiq quritadi. Agar vaqtida uni namlamasangiz, tashqaridagi quyosh ta’sirida teri yanada quriydi, natijada teri o‘zini himoyalash uchun ko‘proq yog‘ ajrata boshlaydi. Bu esa yog‘ bezlari faoliyatining ortishi, husnbuzar, akne va hatto erta ajinlar paydo bo‘lishiga olib keladi. Yozgi makiyaj uchun ko‘p vosita kerak emas Quyoshdan himoyalovchi ko‘zoynak taqing Bu faqat moda yoki UV nurlaridan ko‘zni himoya qilish uchun emas (garchi bu ham muhim). Balki bu orqali siz ko‘z qovog‘i va atrofidagi nozik terini quyoshdan asraysiz. Bu esa ajinlar paydo bo‘lishining oldini oladi.
Qayerda bo‘lishingizdan qat’iy nazar quyoshdan himoyalovchi vositalardan foydalanish zarur. SPF 30 va undan yuqori ko‘rsatkichga ega kremni qo‘llang, deydi kosmetolog Astrid Oveyan.
Jaziramada makiyaj uchun ko‘plab vositalarni ishlatishni maslahat bermagan bo‘lardim. Praymer, tush, krem va lab bo‘yog‘i yetarli, deydi stilist Evgeniy Trefilov.
Mavzuga doir
×![Lightbox Image]()
Izoh (0)