Ipak Yo‘li Bankdan Tradeloan: xalqaro bitimlarni moliyalashtirish

Import va eksport bilan shug‘ullanuvchi kompaniyalar uchun shartnomalarni o‘z vaqtida to‘lash — barqaror faoliyatning kalitidir. Biroq kuchli raqobat va oshib borayotgan xarajatlar fonida biznes tobora ko‘proq tashqi moliyaviy ko‘makka muhtoj bo‘lmoqda. Ana shunday holatlar uchun Ipak Yo‘li Bank qulay yechimni taklif etadi — Tradeloan.

Tradeloan — bu xalqaro bitimlarni moliyalashtirishga mo‘ljallangan savdo moliyalashtiruvi shakli. Uning yordamida tadbirkorlar xorijdan keladigan tovarlar uchun to‘lovni amalga oshirishi yoki eksport shartnomalarini bajarishi mumkin. Bunda o‘zining aylanma mablag‘larini chalg‘itishga hojat qolmaydi.

Tradeloan nima?
Bu — tashqi savdo shartnomasi asosida ajratiladigan moliyalashtirish. Kompaniya import yoki eksport bo‘yicha tuzilgan shartnomani taqdim etadi va bank mablag‘ni tez fursatda mijozning hisob raqamiga o‘tkazadi.

Tradeloan qanday ishlaydi:

— Mijoz ariza topshiradi va tashqi savdo shartnomasini ilova qiladi

— Bank hujjatlarni 2–5 ish kuni davomida ko‘rib chiqadi

— Mablag‘ mijozning hisob raqamiga o‘tkaziladi

— Kompaniya xorijdagi hamkoriga to‘lovni amalga oshiradi.

Tradeloan shartlari:

— Moliyalashtirish miqdori: $50 000 dan boshlab

— Muddat: 3 yilgacha

— Valyuta: USD, EUR, JPY, CNY

— Foiz stavkasi: yillik 8–12 foiz.

Tradeloan kimlar uchun mos?

Tradeloan xorijiy hamkorlar bilan ishlayotgan kichik va o‘rta biznes uchun ayni muddao. Bu uskunalar va xomashyolarni import qilayotgan kompaniyalar, yoki o‘z mahsulotini chet elga eksport qilayotganlar uchun juda mos. Ayniqsa, hamkor oldindan to‘lov talab qiladigan va kontrakt muddati qisqa bo‘lgan holatlarda bu mahsulot aynan kerakli yechim bo‘la oladi.

Nega tradeloan qulay?

— O‘z aylanma mablag‘laringizni ishlatishingizga hojat yo‘q

— Moliyalashtirish aniq bitim asosida ajratiladi

— Mablag‘lar tezda yetkaziladi

— Hujjatlar talabi kam, shartlar esa ochiq va tushunarli.

Ipak Yo‘li Bank tashqi iqtisodiy faoliyatni qo‘llab-quvvatlovchi moliyaviy vositalarni takomillashtirishda davom etmoqda. Tradeloan — bu bitimni o‘z vaqtida moliyalashtirish va biznesni rivojlantirishga e’tibor qaratish uchun ishonchli yo‘l.

📲 Tradeloan haqida batafsil ma’lumot va ariza topshirish — Ipak Yo‘li Bank rasmiy saytida.

Reklama huquqi asosida.