Hindiston politsiyasi Kerala shtatidagi g‘orda ikki kichik bolasi bilan istiqomat qilayotgan 40 yoshli rossiyalik ayolni topdi. Bu haqda PTI agentligi xabar bermoqda.
“Mohi taxallusi bilan tanilgan 40 yoshli rossiyalik Nina Kutina va uning ikki kichik farzandi deyarli ikki hafta davomida to‘liq yakkalanishda yashagandan so‘ng, Karnataka shtatidagi Ramatirta tepaligidagi uzoq g‘ordan qutqarib olindi. Qutqaruv ishlari juma kuni mahalliy politsiya tomonidan oddiy patrullik vaqtida amalga oshirildi”, deydi rasmiylar.
Bir necha yil oldin Hindistonga ishbilarmonlik vizasi bilan kelgan rossiyalik ayol Goadan diniy va meditatsiya amaliyotlari bilan mashhur bo‘lgan sohil shahri Gokarnaga yo‘l olgan. Hinduizm va hind ma’naviy an’analariga qiziqib, u ikki farzandi — olti yoshli Priya va to‘rt yoshli Ama bilan Gokarnaning o‘rmonli tepaliklarida yolg‘izlikda yashashga qaror qilgan.
Oila qalin o‘rmon va tik yon bag‘irlar bilan o‘ralgan g‘orda istiqomat qilgan. Rossiyalik ayol g‘orni ruhiy boshpanaga aylantirgan, Rudra haykalini o‘rnatgan va kunlarini ibodat hamda meditatsiya bilan o‘tkazgan. Politsiya u va uning bolalari yovvoyi hududda bo‘lganida qanday qilib oziq-ovqat va suv topganini tekshirmoqda.
Izoh (0)