Pinar Deniz va Kaan Yildirim turmush qurdi, Afra va Mert yana yarashdi: Turk aktyorlari hayotida nima gap?

15-sentyabr kuni Pinar Deniz va Kaan Yildirim Italiyaga uchib ketishdi, u yerda ularning nikoh marosimi bo‘lib o‘tadi.

Afra Sarachog‘lu va Mert Ramazon Demir yarashdi

“Qo‘rg‘on sirlari” serialining bosh aktyorlari — Afra Sarachog‘lu va Mert Ramazon Demir so‘nggi ma’lumotlarga ko‘ra yana yarashishdi. Sevishganlar o‘rtasida chet elda ta’til qilgandan keyin kelishmovchiliklar yuzaga kelgan. Butun yoz davomida aktyorlar uchrashmagan, hatto Mert Ramazon ajralish haqidagi mish-mishlarni tasdiqlagandi. Serialdagi hamkasblari Beril Pozam va Ersin Arijining to‘yida ham ular bir-biridan uzoqroq bo‘lishga harakat qilgan.

Pinar Deniz va Kaan Yildirim turmush qurishdi

15-sentabr kuni Pinar Deniz va Kaan Yildirim Italiyaga uchib ketishdi, u yerda ularning nikoh marosimi bo‘lib o‘tishi rejalashtirilgan edi.

Ularning to‘yi 17-sentyabr kuni Rimdagi Bosh konsullikda bo‘lib o‘tishi belgilangan edi.

Pinar Deniz va Kaan Yildirim to‘y oldidan Milandan birga qo‘l ushlagan holda tushgan suratlarini ijtimoiy tarmoqlarda bo‘lishib, o‘z baxtlarini muxlislari bilan baham ko‘rishdi. Kaan Yildirimning singlisi Nilufer Yildirim to‘y marosimi o‘tayotgan joydan ularning qo‘l ushlagan suratini o‘z obunachilari bilan bo‘lishdi.

Yulduzli juftlik ikki yil davom etgan munosabatlarini nikoh bilan mustahkamladi. Sevishganlar doimiy ravishda o‘zlarining birgalikdagi suratlarini ijtimoiy tarmoqlarda ulashib, o‘z obunachilarini xursand qilib kelishgan.

Nikoh marosimidan oldin Pinar Denizning opasi Xuri ijtimoiy tarmoqdagi sahifasida aktrisaning makiyaj lahzasini joylashtirdi.

Keyin nikoh marosimi bo‘lib o‘tdi. Pinar Deniz va Kaan Yildirim Rimda kamtargina to‘y qilib, turmush qurishdi. Ushbu o‘ziga xos kunda Pinar Vivyen Vestvudning to‘y libosini, Kaan esa Tom Fordning kostyumini kiygan edi.

Kuyov va kelin to‘ydan so‘ng bu maxsus kunni yaqin do‘stlari bilan kechki ovqatda nishonlashdi.

To‘y marosimidan suratlar ham paydo bo‘ldi.

Bashar Dizer ta’tildan olingan suratlar bilan bo‘lishdi

Yozning so‘nggi kunlarida Kivanch Tatlitug‘ning rafiqasi Bashar Dizer Tatlitug o‘zining ijtimoiy tarmoqlardagi akkauntida Maratxi orolidagi dam olish kunlaridan suratlar bilan bo‘lishdi, u yerda ular do‘stlari bilan birga hordiq chiqargan.

Bu joyda turdizining mashhur yulduzlari yig‘ilishdi: Serkan Keskin, O‘zge O‘zpirinji, Burak Yamantyurk, Nail Genenli, Birkan Sokullu va uning sevgilisi Eda Gurkaynak.

Pelin Akilning tanqidlarga javobi

Serialning bosh qahramonlari Seyran va Feritga partnyor sifatida Jem Soktut va Pelin Akilning qo‘shilishi “Qo‘rg‘on sirlari” seriali ssenariysiga kiritilgan katta o‘zgarishlardan biri bo‘ldi.

Yangi mavsumning birinchi qismida Diyar obrazida paydo bo‘lgan Pelin Akil tez orada serial muxlislarining tanqidiga uchradi.

Yoshi farqi haqidagi e‘tirozlar bildirilgach, aktrisa yangi bayonot berdi: 

“Bu yerda hech qanday yomon narsa yo‘q. Uning Feritni tartibga soladigan taqdiri bor, bu narsa uni yanada jiddiyroq qiladi. Ko‘p turli xil voqealar bo‘ladi. Keling, yaxshisi birga kuzataylik”.

Oldingi mavsumlarda Buse Buz Kahramon (Pelin) tanqid ostida bo‘lgan bo‘lsa, bu mavsumda Pelin Akil shu holatga tushdi.

Negativlar ostida qolgan aktrisa shunday deydi: “Bu bir hikoya, ssenariy. Men ham aktrisaman. Biz sizni juda yaxshi ko‘ramiz, biz o‘z ishimizni qilyapmiz xolos. Buni juda jiddiy qabul qilmang. Men bunday narsani hech qachon kutmagandim”.