Mashhur kishilarning so‘nggi istaklari va o‘limi oldidan vasiyatnomasida nimalar yozilgani haqida ma’lumot beramiz.
Merilin Monro
1950-yillarning mashhur aktrisasi Merilin Monroning yuragi 1962-yil 4-avgustda urishdan to‘xtaydi. O‘shanda u 36 yoshda edi. Biroq u o‘limi yaqinlashayotganini sezganday barcha narsalarini akytorlik mahorati bo‘icha murabbiyi Li Strasbergga vasiyat qiladi.
Lining o‘limidan so‘ng, uning rafiqasi Monroning merosini kimoshdi savdosiga qo‘yib, bu narsalardan taxminan 20 million dollar ishlab oladi. Misol uchun, yulduz AQSHning 35-prezidenti Jon Kennedining tug‘ilgan kunida kiygan libosi bir million dollarga sotiladi.
Charli Chaplin
Charli Chaplin o‘limidan keyin ham hazil qilishni davom ettiradi. Kinoyulduz mushtug (trubka)dan oltita tutun halqasini puflab, yettinchisini shu halqalar orasidan o‘tkaza olgan odamga bir million dollar berishni vasiyat qilgan.
Chaplin kashanda bo‘lgan va bunday ishni amalga oshirish mumkin emasligini bilardi. Hozirgacha mukofot puli uchun harakat qilayotganlar bor, ammo barchasi befoyda.
“Biz hammamiz sayyohlarmiz, Xudo turagentimiz, u boradigan joyarimiz va yo‘nalishlarimizni allaqachon belgilab qo‘ygan. Unga ishoning va hayotdan zavqlaning. Hayot shunchaki sayohat! Bugun bilan yashang! Ertangi kun kelmasligi mumkin”, deydi u.
Karl Lagerfeld
Nemis modelyeri 2019-yilning fevral oyida oshqozonosti bezi saratonidan vafot etdi. Lagerfeld hech qachon farzand ko‘rmagan va turmush qurishga jur’at etmagan, shuning uchun u barcha eng qimmatli narsalarni sevimli jonivori — Shupett laqabli mushugiga vasiyat qilgan. Hayoti davomida u mushugi uchun shaxsiy samolyot sotib oladi, unga ikkita xizmatkor yollaydi va u haqida butun boshli kitob yozadi. Egasining o‘limidan so‘ng, Shupett 200 million yevroga ega bo‘ladi.
Opra Uinfri
Hozirda Opraning ahvoli yaxshi bo‘lsa-da, amerikalik teleboshlovchi va jurnalist allaqachon vasiyatnoma tayyorlab qo‘ygan. U birinchi farzandini yo‘qotganidan keyin (u 14 yoshida farzandli bo‘ladi, lekin chaqaloq tez orada vafot etadi) qayta farzandli bo‘lishga jur’at eta olmaydi. Buning o‘rniga yulduz uy hayvonlari boqib oladi. Uning bir nechta golden-retriver va spaniel zotli itlari bor, ular ba’zi insonlardan ham yaxshiroq hayot kechiradi.
Misol uchun, Uinfri jonivorlari uchun fond ochgan — ularning har biriga 30 million dollar to‘lanadi.
Mark Gryunvald
Mark Gryunvald Marvel olamining komikslar muallifi bo‘lgan, shuningdek, “Kapitan Amerika”, “Qasoskorlar” va “Tor”ning rassomi va muharriri bo‘lgan. U 42 yoshida 1996-yilda yurak xurujidan vafot etadi. Umrining oxirigacha o‘zini ishga bag‘ishlagan Mark shunday iltimosni qoldiradi — uning hokini siyoh bilan aralashtirib, shu siyohda komikslar chop etishni vasiyat qiladi.
Gryunvaldning rafiqasi Ketrin Shuller erining so‘nggi istagini amalga oshiradi va muallifning kuli Squadron Supreme antologiyasining qayta nashr etilgan versiyasida ishlatiladi.
Kim Kardashyan
Mashhur model ham Opra Uinfri kabi oldindan vasiyatnoma yozib qoldigan. Forbes ma’lumotlariga ko‘ra, joriy yilning aprel oyida Kardashyan mashhur milliarderlar ro‘yxatida 1,7 milliard dollar daromadi bilan oltinchi o‘rinni egalladi. Vasiyatnomada pul haqida hech narsa aytilmagan, garchi Kimning sobiq eri, reper Kanye Uestdan to‘rtta merosxo‘ri bo‘lsa ham.
Vasiyatnomada uning tashqi ko‘rinishiga g‘amxo‘rlik qilish yozilgan. Hujjatda u o‘lgan taqdirda qanday makiyaj qilinishi kerakligini, tirnoqlariga qanday lak surish va sochlarini qanday turmaklash lozimligi aytilgan.
Elizabet Teylor
Gollivud qirolichasi va uchta “Oskar” mukofoti sovrindori Elizabet Teylor vasiyatnomasida mol-mulk haqida emas, balki vidolashuv marosimi qanday o‘tkazilishi haqida yozilgan. Aktrisa hayotligida uchrashuv va suratga tushish ishlariga doim kechikib kelganligi sababli dafn marosimida ham bu odatidan voz kecha olmaydi.
U vasiyatnomasida dafn marosimiga rejalashtirilganidan 15 daqiqa kechroq olib kelinishini so‘raydi.
Frederik Bor
Bor amerikalik kimyogar muhandis. Ammo u Pringles chipslari sabab mashhur bo‘lib ketadi. Olim chipslarni suyri shaklda ishlab chiqarishni o‘ylab topgan. Shuningdek, u quruq muzqaymoqni ham ixtiro qilgan.
Chipslar dahosi 2008-yilning bahorida vafot etadi. O‘limidan bir kun oldin u farzandlariga so‘nggi orzusi — kulini Pringles idishiga solib qo‘yish haqida gapiradi.
Dafn marosimidan so‘ng Borning to‘ng‘ich o‘g‘li Larri jurnalistlarga idish tanlash qiyin bo‘lganini aytadi, chunki otasi hokini qaysi ta’mli chips idishiga solish kerakligini aniq aytmagan.
Izoh (0)