Sharq to‘ylari va kelinlari har doim hashamat va nafislik timsoli bo‘lib kelgan. Kelinchaklarning to‘y liboslari nafaqat urf-odat va an’analarga sodiqlikni, balki zamonaviy moda bilan hamnafaslikni aks ettiradi. Bejirim bezaklar, nafis matolar va aksessuarlarning barchasi sharqona go‘zallikka o‘zgacha nazar solishga undaydi. Ushbu maqolada to‘y marosimida mashhur arab kelinlarining eng go‘zal obrazlarini ko‘rib chiqamiz.
Qirolicha Raniya
Iordaniya qirolichasi Raniya 1993-yil 10-iyunda qirol Abdulla II bilan turmush qurgan. To‘y marosimi Ummon shahrida hashamatli tarzda o‘tkazilgan.
Qirolicha Raniya to‘y kuni Dior moda uyining dizayneri, britaniyalik Bryus Oldfild muallifligida yaratilgan fil suyagi rangli libosda namoyon bo‘lgan. Kelin ko‘ylagi tilla kashta bilan tikilgan, yelka qismi keng, uzun yengli va nafis atlas matodan tayyorlangan bu libos Sharqona nafislik va Yevropa uslubining uyg‘unligini namoyish etgan. Libosning asosiy bezagi nozik kashtalar va marvarid donachalari bo‘lib, unga yanada joziba bag‘ishlagan.
Uning obrazini o‘ziga xos bosh soch turmagi va uzun shifon fata to‘ldirgan. Minimalistik uslubdagi zeb-ziynatlar uning tabiiy go‘zalligini yanada to‘ldirgan va qirolichaga o‘ziga xos latofat baxsh etgan.
Malika Imon
Qirol Abdulla II va qirolicha Raniyaning qizi malika Imon 2023-yil 12-mart kuni Ummondagi Bayt al-Urdun saroyida venesuelalik tadbirkor Jamil Aleksandr Termiotisga turmushga chiqdi. Ushbu marosim hashamat va go‘zal tarzda o‘tib, malika Imon o‘zining qimmatbaho kelinlik obrazi bilan barchani hayratga soldi.
Malika Imon marosimda Dior moda uyining dizaynerlari tomonidan yaratilgan nafis oq libosda namoyon bo‘ldi. Kelinlik ko‘ylagi klassik uslubda bo‘lib, uzun yenglari va atlas matosi bilan ham ishlangan. Libos o‘zining minimalistik, ammo viqorli dizayni bilan malikalarga xos jozibani namoyon etgan.
Malikaning obrazini onasi, qirolicha Raniya ham o‘zining to‘yida taqib chiqqan tiara bilan boyitildi. Ushbu bejirim kelinlik obrazi bilan malika Imon haqiqiy zamonaviy sharq malikasi sifatida barchaning e’tiborini qozondi.
Rajva al-Saif
2023-yil 1-iyunda Rajva Al-Saif Iordaniyaning valiahd shahzodasi Husaynga turmushga chiqdi. 29 yoshli kelin livanlik dizayner Elie Saab tomonidan yaratilgan to‘y libosida namoyon bo‘ldi.
Ushbu libos noodatiy bichimi, uzun yenglari va bejirim kashtalari bilan ajralib turadi. Kelinlik libosi dizayni klassik qirollik uslubida bo‘lib, uzun shleyf bilan to‘ldirilgan edi.
Rajva nikoh marosimida Iordaniya qirollik oilasi an’analariga hurmat bajo keltirib, tabiiy makiyaj bilan ko‘rinish bergan. O‘sha kuni kechqurun bo‘lajak Iordaniya qirolichasi oq qo‘lqoplar bilan to‘ldirilgan kalta yengli Dolce & Gabbana libosi — ikkinchi obrazini kiygan.
Amal Kluni
Aktyor Jorj Kluni va xalqaro huquqshunos, inson huquqlari faoli Amal Alamuddin 2014-yilda Venetsiyada Aman Canal Grande mehmonxonasida nikoh to‘yini nishonlagan. Oq atirgullar bilan bezatilgan hashamatli zalda kelin qo‘lida oq atirgul guldastasini ushlab, yelkasi ochiq va uzun fatali Oskar de la Renta libosida paydo bo‘ldi. Anna Vintur, Mett Deymon va Emili Blantni o‘z ichiga olgan yulduzli mehmonlar ro‘yxati bilan nishonlangan to‘yda barchaning nigohi kelinda bo‘ldi.
Lana El-Saheli
Livanlik moda blogeri va jurnalist Lana El-Saheli (L’Armoire de Lana blogi muallifi) 2015-yilda Ali Avadga turmushga chiqdi. Ularning to‘yi Sharqning zamonaviy malikalariga xosligi bilan ko‘pchilikning e’tiborini tortdi. Lana El-Saheli to‘y marosimida taniqli Elie Saab tomonidan maxsus tikilgan nafis oq libosni kiygan. Kelin ko‘ylakning dizayni klassik qirollik uslubidan ilhomlangan bo‘lib, uning keng yubkasi va nafis kesimi unga haqiqiy malika qiyofasini bergan.
Kristina Karam
Kristina Karam va Jan Ramiya mehmonlarini ajoyib gulli yo‘lak, yakkashoxli installyatsiya, konsertga o‘xshash yoritish uskunalari va hattoki gimnastlar ishtirokidagi sehrli to‘y bayrami bilan hayratda qoldirdi. Keng va uzun shleyfli dabdabali to‘y ko‘ylagi Krikor Jabotian brendidan buyurtma asosida tikilgan.
Sabin Ganem
Misr-livanlik zargarlik buyumlari dizayneri Sabin Ganem milliarder va dunyodagi eng badavlat sulola vakili Jozef Getti bilan “Xavfli aloqalar” filmidan ilhomlangan marosimda turmushga chiqdi — to‘y Rimda boshlanib, Santi XII Apostoli bazilikasida davom etgach, qirg‘oq bo‘ylab davom etdi. Kelinning buyurtma asosida tikilgan Schiaparelli ko‘ylagi va Maison Lesage tomonidan kashtalar bilan bezatilgan kapyushonli nakidkasi hammada unutilmas taassurot qoldirdi. Xuddi shu motivlar nafaqat ko‘ylakda, balki poyabzalda ham aks etdi.
Izoh (0)