Yozgi jaziramada makiyaj tezda erib ketishi, ter bilan oqib tushishi hech kimga sir emas. Lekin bu holatning oldini olish mumkin. Yengil ton, kremli vositalar, issiqqa chidamli tush va makiyajni mustahkamlovchi sprey kabi mahsulotlar yozgi ob-havoda makiyajni yaxshi saqlab turadi. Ushbu maqolada yoz uchun eng samarali go‘zallik maslahatlarini o‘rganasiz.
Mustahkam makiyaj uchun baza
Makiyaj ostiga yog‘li krem surtish eng keng tarqalgan xatolardan biridir. Ko‘pchilik buni “teri namlanadi” degan fikr bilan qiladi. Ha, teri namlanadi, lekin shu bilan birga makiyaj ham ter bilan birga oqib ketadi. Jazirama issiqda teri haqiqatdan ham namlikka muhtoj, lekin bu namlantirish yengil va yuzga tez so‘riladigan bo‘lishi kerak.
Eng yaxshi tanlovlar:
gel formulali kremlar;
suv asosidagi serumlar;
bir daqiqada so‘riladigan yengil krem.
Eng asosiysi, qalin teksturalardan butunlay voz kechish kerak.
“Gel”, “aqua” va “light” so‘zlari yozilgan vositalarni izlang. Ko‘z osti uchun maxsus patchilar shishni kamaytirishga yordam beradi va korrektorni yuzaga yaxshiroq surtishga yordam beradi. Qo‘shimcha sovitish ta’siri uchun patchilar va serumni muzlatkichda saqlang. U terini tetiklashtiradi, yuz terisidagi teshiklarini biroz toraytiradi, natijada tonal krem yuzga silliqroq surtilib, uzoqroq ushlab turiladi.
Praymerdan foydalanish
Issiq havoda praymerni butun yuzga surish foyda bermaydi, aksincha terini “og‘ir” holatga keltirib qo‘yadi. Peshona, burun va iyak kabi zonalarga praymer surtish eng yaxshi variant hisoblanadi. Chunki bu yerda yog‘ bezlari faol ishlaydi.
Silikonli gel formulalar — yaxshi tanlov. Ular ko‘zga ko‘rinmaydi va sezilmaydi. Yuzning boshqa joylariga praymer surtishga hojat yo‘q.
Agar yuzdagi teshiklar keng bo‘lsa, praymerni ularning shakli va yo‘nalishi bo‘yicha surting. Bu teri yuzasini silliqlaydi va makiyajning uzoqroq turishiga yordam beradi.
Yoz uchun ideal ton
Yozda qalin makiyaj qilish to‘g‘ri emas. Issiq uchun to‘g‘ri tonal krem quyidagi jihatlarga ega bo‘lishi kerak:
- yengil;
- uzoq vaqt turuvchi;
- yaltiramasligi kerak (“matoviy”).
Bunday turdagi tonal kremlar oqib ketmaydi va ko‘p terlaganda ham uzoq turadi. Tonal kremni yupqa surtish tavsiya etiladi, eng yaxshisi, cho‘tka yoki barmoqlar yordamida. Yozda nam sponjlar yaxshi samara bermaydi va makiyajning uzoq turishiga xalaqit berishi mumkin.
Agar teringiz yog‘li bo‘lsa, makiyajdan 20–30 daqiqa oldin yengil matlashtiruvchi losyon yoki niatsinamidli serum qo‘shing. Bu terining yog‘lanishini nazorat qiladi va makiyajning uzoqroq turishiga yordam beradi.
Kremli teksturalar
Quyosh ostida upalar tezda shaklini yo‘qotadi. Ular teri teshiklarini yaqqol ko‘rsatib qo‘yishi mumkin. Krem va gel mahsulotlari eng yaxshi tanlovdir. Ular teriga yaxshi surtiladi, bazaga ehtiyoj qolmaydi va kun bo‘yi turadi.
Tintlar — universal vosita hisoblanadi. Bir mahsulotni yonoqlar uchun rumyana, ko‘z uchun ten va lab bo‘yog‘i o‘rnida ishlatish mumkin. Bu nafaqat qulay, balki yuzga surtiladian teksturalar sonini kamaytiradi. Kremli mahsulotlarni surtgandan so‘ng ortiqcha qismini cho‘tka yoki barmoqlar bilan ehtiyotkorlik bilan artib oling. Bu tabiiy ko‘rinishni ta’minlaydi.
Issiq ob-havoga va suvga chidamli tush tanlash
Tushni faqat bitta qatlam suring. Ko‘p surtish tushning oqib ketish xavfini oshiradi. Yozda kiprik qayirish vositalaridan foydalanmang. Issiqda ular kipriklarni quritib, zararlashi mumkin. Buning o‘rniga kipriklarni barmoqlaringiz bilan yengil bosib, tabiiy bukilgan ko‘rinish berishingiz mumkin.
Makiyajni mustahkamlovchi sprey
Issiq havoda makiyajni yakunlashda sprey yordam beradi, pudra emas. Ayniqsa, yog‘ni nazorat qiluvchi matlashtiruvchi spreylar samaralidir. Ular teriga og‘irlik qilmaydi, terining qurishini ko‘rsatmaydi va kun davomida osongina yangilanadi.
Ta’sirini kuchaytirish uchun spreyni tonal kremdan keyin, rumyanadan keyin va makiyaj oxirida seping. Bu usul bir qatlamli pudradan ko‘ra kuchliroq va bardavomroq mustahkamlashni ta’minlaydi.
Agar makiyaj oqib ketsa, nima qilish kerak:
- Teringizni matlashtiruvchi salfetka yoki oddiy qog‘oz bilan ehtiyotkorlik bilan artib oling.
- Tabiiy mineral suv spreyi seping.
- Kremli rumyana yoki tintni barmoqlaringiz bilan yangilang.
- Makiyajni mustahkamlovchi sprey seping.
Yozgi makiyaj kun davomida tursin desangiz, quyidagilar yetarli:
- universal tint;
- suvga chidamli yoki issiqqa chidamli tus;
- makiyajni mustahkamlovchi sprey;
- matlashtiruvchi salfetkalar.
Qo‘shimcha sifatida mini ventilyator olishingiz mumkin. Transportda yoki ko‘chada tezda terini sovitish makiyajni saqlab qolishga yordam beradi, ayniqsa, yaqin atrofda konditsioner bo‘lmasa.
Yozgi makiyaj issiqlikka chidamli bo‘lishi — afsona emas. Asosiysi, teksturalarni moslashtirish, qatlamlar sonini kamaytirish va sifatli mahsulotlardan foydalanish hisoblanadi. Ushbu oddiy qoidalarga amal qilsangiz, eng issiq havoda ham ajoyib va tetik ko‘rinishga ega bo‘lasiz.
Izoh (0)