Yaponiya ajoyib madaniyat va undan kam bo‘lmagan go‘zallik standartlari mamlakati. Enhel Group xalqaro korporatsiyasi prezidenti, Enhel Wellness Spa Dome klinikasi asoschisi Yuliya Enhel Yaponiyada mashhur bo‘lgan eng qiziqarli go‘zallik standartlari haqida gapirib beradi.
Qordek oq teri
Har qanday yapon kosmetik brendida terini oqartiruvchi mahsulotlarni topish mumkin. Yapon ayollari chinnidek terini salomatlik, boylik va farovonlik bilan bog‘laydi. Yaponiyada avvaldan teri rangining to‘qligi qizning ijtimoiy mavqeyi pastligini ko‘rsatadi, shuning uchun hozir ham mamlakatdagi ayollar quyosh nurlaridan astoydil qochadi. Ular terisi erta qarishining oldini olish uchun quyoshga qarshi krem va gellardan faol foydalanadi. Yapon ayollarining eng sevimli go‘zallik mahsulotlaridan biri bu — oqartiruvchi BB kremlari bo‘lib, teri yorqinroq bo‘lishi uchun unga ko‘pincha tabiiy marvarid zarralari qo‘shiladi.
Parvarish qilish makiyajdan ko‘ra muhimroq
Albatta, yapon qizlari makiyaj tendensiyalariga befarq emas, lekin ular terini parvarish qilish kosmetikasi olamidagi yangiliklarni diqqat bilan kuzatib boradi. Quyoshli mamlakatda ular noyob ingrediyentlar va samarali formulalarni yaxshi ko‘radi: yapon kosmetikasi qadoqda yozilgan barcha so‘zlarga javob bera olgani uchun butun dunyo bo‘ylab mashhurlikka erishgan.
Kichik o‘lcham
Kichkina bo‘y, ingichka qo‘llar, kichik ko‘kraklar Yaponiyada go‘zallik ideali hisoblanadi. U ko‘p asrlar oldin jozibadorlik standarti to‘la qomatli qizlar bo‘lganida shakllangan. Shunga qaramay, ko‘plab erkaklar kichik o‘lchamli umr yo‘ldoshi tanlashni afzal ko‘radi. Shuning uchun ko‘krakni kattalashtirish jarrohlik amaliyoti hali ham Yaponiyada mashhur emas.
Katta ko‘zlar
Manga tufayli paydo bo‘lgan yana bir kult: Yaponiyada qizlar faqat dumaloq, katta ko‘zlarni chiroyli deb bilishadi. Ularning har biri ushbu tendensiyaga ergashishga harakat qiladi: ularning ba’zilari blefaroplastika uchun pul yig‘sa, boshqalari ko‘z qovoqlari, sun’iy kiprik va rangli linzalar yordamida shahlo ko‘zlarga ega bo‘ladi.
Uzun sochlar
Soch turmagi — zamonaviy yapon ayoli o‘zini namoyon qilishning asosiy usuli. Kunchiqar mamlakatda qadim zamonlardan beri uzun, yaxshi parvarishlangan soch insonning yuqori ijtimoiy mavqeyini ta’kidlashning eng yaxshi usuli deb hisoblangan. Ammo bugungi kunda bu tendensiya ba’zi o‘zgarishlarga duch keldi. Sochlar moda aksessuariga aylandi: qizlar tashqi ko‘rinishini tezda o‘zgartirish, kerakli yorqinlikni berish uchun rangli pariklar va ulama sochlardan faol foydalanadi.
Katta bosh
Yapon ayollari kontrastlarni yaxshi ko‘radi: ular kichik yuz bilan bir qatorda katta boshni afzal ko‘radi. Bularning barchasi anime va manga komikslari tufayli. Yapon ayollari yuz konturini kichraytirish va boshlarini kattaroq qilish uchun har xil usullardan foydalanadi. Ommabop usullarga makiyaj paytida yuz konturini tortish uchun maxsus lenta, yonoq va iyaklarni ushlab turish uchun maxsus bandaj kiradi.
Butun umr davomida to‘g‘ri ovqatlanish
Bu mamlakatdagi ko‘plab ayollar uchun parhez ortiqcha vazn bilan kurashish uchun vaqtinchalik yechim emas, balki hayot tarzidir. Yaponiyalik ayollar turli xil to‘g‘ri ovqatlanish dasturlariga asoslangan sog‘lom ovqatlanishga amal qiladi. Ular diyetasining asosi sabzavot va dengiz mahsulotlari bilan birlashtirilgan guruchdir. Yaponiyada ko‘p suyuqlik ichish odat tusiga kirgan: mahalliy qizlar yashil choyga (u antioksidantlarga boy) va vodorod bilan boyitilgan suvga o‘zgacha mehr qo‘ygan. Bunday suv hujayra qarishining oldini oluvchi eng samarali va xavfsiz antioksidant sifatida mashhur.
Izoh (0)