Hatto qimmatbaho va sifatli lab bo‘yog‘i ham uning labda tez o‘chib ketmasligiga kafolat bermaydi. Buning sababi lablarni tayyorlash va tez-tez e’tiborsiz qoldiradigan kichik odatlar. Ushbu maqolada makiyajning davomiyligini oshirishga yordam beradigan oddiy maslahatlar va lablaringizni ertadan kechgacha yorqin saqlash bo‘yicha tavsiyalar jamlandi. 

Labning qurib qolishi va yorilishi 

Quruq va yorilgan lablarga lab bo‘yog‘i yaxshi surtilmaydi: u qotib qoladi, notekis ko‘rinadi va, albatta, tezda o‘chib ketadi. Nozik teri chuqur namlanishga muhtoj. Gollivud vizajisti Keyt Sinnott noodatiy maslahat beradi:

Bemalol ko‘z atrofidagi teri uchun mo‘ljallangan kremni lablarga surtavering — bu ularni namlaydi. Lab atrofidagi teri ingichka, ko‘z kremi esa aynan nozik joylar uchun mo‘ljallangan, deydi mutaxassis.

Kremni niqob sifatida, kechasi uxlashdan oldin qalin qilib surtish mumkin. Yana bir variant uni yupqa qilib, lab bo‘yog‘idan oldin surishdir.

Lablarning yorilishi va terisining bir qavati ajralishiga qarshi yaxshi vositalardan biri bu lab uchun skrabdir. Uni yilning issiq davrida haftada bir marta, sovuq yoki mavsumiy o‘zgarishlarda esa haftasiga ikki marta ishlatish mumkin.
Agar lablarni tezda holatga keltirish kerak bo‘lsa, mashhur vizajist Anteya King quyidagi tezkor vositani tavsiya qiladi:

Yangi damlangan qora yoki ko‘k choy paketchasini biroz sovutib, siqib oling va 3–4 daqiqa davomida lab ustiga qo‘ying, ta’kidladi u. 

Lab bo‘yog‘i oldidan balzam surtish: bu nima uchun xato hisoblanadi?

Lab bo‘yog‘idan oldin bevosita surtilgan balzam ko‘proq dushman bo‘lishi mumkin. Chunki u bu qisqa vaqt ichida teriga singib ulgurmaydi. Aksincha, u pomadaning teriga yopishishiga xalaqit beradi, shuning uchun rang oqib ketadi. Bunday bo‘lmasligi uchun balzam surtilgach, 15–20 daqiqa kutish kerak. Agar vaqt bo‘lmasa, labni salfetka bilan yengil bosib olish mumkin.

Bazasiz va kontur qalamisiz: makiyaj uzoq turmaydi

Pomada uzoqroq turishi uchun unga boshqa vositalar ham kerak. Vizajistlar kamida uchta vositani birgalikda qo‘llashni tavsiya etadi.
 Birinchi vosita — praymer (asos). Pomada uchun baza turli shakllarda bo‘lishi mumkin: qalam, qattiq balzam yoki siqiladigan idishdagi krem. U nafaqat bo‘yoqni uzoq tutib turadi, balki terini namlaydi, pigment va quyoshdan himoya qiladi.
 Ikkinchi vosita — lab uchun qalam. Uni faqat kontur bo‘ylab emas, balki butun lab yuzasiga surtish mumkin. To‘liq qoplama bo‘yoqqa qo‘shimcha qatlam beradi. Rang tanlashda: agar maqsad bo‘yoqni mustahkamlash bo‘lsa — qalam va pomada bir xil rangda bo‘lishi mumkin. Agar labni kattaroq va to‘laroq ko‘rsatmoqchi bo‘lsangiz, qalam rangini biroz ochroq tanlang.
 Uchinchi vosita — mashhur yulduzning sirli usuli. Teylor Svift Allure jurnaliga bergan intervyusida aytishicha, u pomadani shunday surtadi: avval bir qatlam surtadi, salfetka bilan yengil bosib oladi, so‘ngra salfetkaga pudra sepib, uni labga bosadi. Faqat shundan so‘ng ikkinchi qatlam pomadani surtadi.

Labga mos kelmaydigan tekstura

Namlantiruvchi va kremli pomadalar eng tez “yo‘qoladigan” turlaridir. Eng uzoq turadiganlari — mat pomadalar va tintlar. Eng ko‘p yangilash talab qiladigani esa lab bo‘yog‘i (blesk). To‘g‘ri, mat pomadalar mustahkam, lekin ularni tozalash ham og‘irroq bo‘ladi. Gidrofil moy bu ishda eng samarali hisoblanadi.

Pomadaning qaysi turiga tegishli bo‘lishidan qat’i nazar, uni juda qalin surtmaslik kerak. Juda qalin qatlam tezda qotib qoladi. Ba’zan keyinroq yangilash, hozir ko‘p surtishdan afzal.

Zararkunanda odatlar bo‘yoqni buzadi

Qancha urinmang, agar sizda zararli odatlar bo‘lsa, barcha harakatlar bekor ketadi. Labni tishlash, til bilan yalash yoki qo‘l bilan teginish — pomadani tez yo‘qotadi. Ko‘pchilik xotin-qizlar orasida keng tarqalgan xato: pomadani surib bo‘lgach, lablarni bir-biriga ishqalash — bu noto‘g‘ri. Bu harakat pomada rangining yorqinligini kamaytiradi va chidamliligini yomonlashtiradi. Bunday mayda odatlarni nazorat qilishni o‘rgansangiz, makiyajni kamroq tuzatishga to‘g‘ri keladi.

Oddiy qoidalarni bilish orqali labingizdagi bo‘yoqni ancha uzoqroq saqlab qolishingiz mumkin. Bor-yo‘g‘i bir necha yangi odat va pomadangiz nonushta, qahva, tushlik va butun kunlik hissiyotlarga bardosh beradi.