Mashhurlar go‘zalliklarini yaxshi irsiyat, noyob tana tuzilishi, maxsus kosmetik vositalar yoki yoshartirish mashqlari bilan izohlashadi. Aslida esa, ular yuzidagi aniq o‘zgarishlarni inkor etishda davom etishadi. Quyida plastik jarroh xizmatidan foydalangani taxmin qilinayotgan mashhurlar haqida so‘z boradi.
Kendall Jenner: yangi burun shakli va kattalashtirilgan lablar
Mashhur model hech qachon plastik operatsiyalar qildirmaganini va tashqi ko‘rinishini tubdan o‘zgartirmaganini aytadi. Ammo yuzidagi o‘zgarishlar bunga zid. 14 yoshdagi suratlarida uning burni kengroq va uch qismi yirikroq bo‘lgan. Bugungi kundagi suratlarida esa u yanada nozik, silliq va nafis ko‘rinadi. Bu rinoplastika natijasi bo‘lishi ehtimoldan xoli emas.
Kendallning tabassumi ham endi boshqacha. Hatto mutaxassis bo‘lmagan odam ham yuqori labining hajmi kattalashganini sezadi. Bu o‘zgarishlar nihoyatda ehtiyotkorlik bilan amalga oshirilgan — lab chizig‘i tabiiy va muvozanatli ko‘rinadi.
Yonoq va iyakdagi aniq konturlar esa kontur plastika natijasi bo‘lishi mumkin. Biroq bu borada aniq xulosa yo‘q. Ehtimol, u ozgan va bu tabiiy ravishda yuz shaklini o‘zgartirgan bo‘lishi mumkin.
Ariana Grande: ko‘z qovoqlari, lablar va yonoqlar shaklini o‘zgartirdi
Qo‘shiqchi tashqi ko‘rinishi haqidagi savollarni chetlab o‘tadi, shu bois muxlislar va mutaxassislar uning yuzidagi o‘zgarishlarni fotosuratlar orqali taxmin qilishga majbur. Va bu faqat doimiy makiyaj bilan izohlanmaydi.
Ariana yoshligidagi yumaloq yuzi dietalar va ulg‘ayish jarayoni tufayli o‘zgarganini aytadi. Balki bu to‘g‘ridir, lekin uning ko‘zlari ham ancha ochiq va ko‘z burchaklari ko‘tarilgan. Bunday natijaga endoskopik liftingsiz erishib bo‘lmaydi. Bunga qosh holati o‘zgarishi ham ishora qiladi.
Ariananing burni bilan bog‘liq o‘zgarishlar esa hech qanday tahlilsiz ham seziladi — burun toraytirilgan, uchi esa ko‘tarilgan. Lablari esa doimiy ravishda hajm jihatidan o‘zgarib turadi. Bu esa fillerlar ishlatilganidan dalolat.
Jennifer Lopes: silliq peshona va tortilgan yuz shakli
Jey Lo tabiatan uzunchoq yuz tuzilishiga ega, shuning uchun 55 yoshida ham u deyarli qarilik izlarini ko‘rsatmaydi. Ammo faqat yaxshi genetika va kosmetika vositalari bunga sabab bo‘la olmaydi. Yuzdagi har qanday mimik ajinlar, hatto yoshlarda ham tabiiy hol. Jenniferning yuzida esa bunday izlar yo‘q — bu botoks orqali erishilgan natijadir. Ammo Jennifer buni inkot etadi.
30 yil avvalgi suratlarda Jenniferda bugungidek aniq yonoq va tor iyak ko‘rinmagan. Bu o‘zgarishlar o‘rtacha yuz qismiga fillerlar kiritilishi yoki ehtimol lipofiling (o‘z yog‘ to‘qimasidan foydalaniladigan yoshartirish usuli) orqali yuzaga kelgan bo‘lishi mumkin.
Peshona tortilishi ham bo‘lgan — 90-yillardagi suratlarda ko‘z shakli hozirgidan torroq, qoshlar esa hozirgidan pastroq edi.
Megan Foks: iyak, yonoqlar va lablar — ehtimoliy tuzatishlar natijasi
Yulduz hech qachon lablari va yuzi ustida ishlaganini tan olmagan, biroq rinoplastikani rad etmaydi. Ko‘plab eski suratlarda uning tashqi ko‘rinishidagi o‘zgarishlar ochiq ko‘rinib turadi.
2010-yilda Megan mentoplastika (iyak shaklini o‘zgartirish) qilgan — iyagi balandroq va aniqroq ko‘rinishga ega bo‘lgan. Ba’zi suratlarda operatsiyadan qolgan nozik chandiqni ham ko‘rish mumkin.
Uning oldin tabassum qilganida ko‘rinib turadigan notekis chiziq botoks yordamida sezilmas holga keltirilgan. So‘nggi suratlarda mimika sezilarli darajada nafisroq bo‘lgan. Lablariga ham e’tibor qaratilgan — hajm va shaklidagi farqlar turli yillardagi portretlarda yaqqol ko‘rinadi.
Foksning bo‘rtib turadigan yonoqlari ham, ehtimol, tabiiy emas. U hech qachon to‘la bo‘lmagan, shuning uchun yonoq “olmalari” ozgandan keyin bunchalik ajralib chiqishi mantiqqa to‘g‘ri kelmaydi.
Bella Hadid: 14 yoshda operatsiya va lifting belgilari
Taniqli model Bella uzoq yillar plastik operatsiyalarni rad etdi. Nihoyat, 14 yoshida burun shaklini o‘zgartirganini tan oldi, ammo ko‘zlari, peshonasi va yonoqlari bilan ishlamaganini aytishda davom etdi.
Biroq hatto oddiy kuzatuvchi ham uning tashqi ko‘rinishida o‘zgarish bo‘lganini sezadi. Ko‘z burchaklarining yuqoriga tortilishi va yoy shaklidagi qoshlar — endoskopik lifting natijasi. Tarang yonoqlar va ichkariga tortilgan yonoq sohasi esa plastik jarrohlikdan dalolat beradi. Faqat ozish orqali bunga erishib bo‘lmaydi.
Hozirgi suratlarda iyak chizig‘i ham yoshlikdagidan nafisroq — bu liposaksiya yoki fillerlar natijasi bo‘lishi mumkin.
Ko‘plab mashhurlar go‘zallik aralashuvlari haqida ochiq gapirishni xohlamaydi. Ba’zilar tanqiddan qo‘rqadi, boshqalar esa “inkor etishga asoslangan strategiya”ni tutadi. Ammo oldingi va keyingi suratlaridagi o‘zgarishlar hech bir kosmetik vosita yoki yosh bilan tushuntirib bo‘lmaydigan darajada aniq. Bugun ham tabiiy go‘zallik qadrlansa-da, aynan rostgo‘ylik yulduzga bo‘lgan ishonchning yangi shakliga aylanmoqda.
Izoh (0)