Ko‘pchilik tonal kremsiz uydan chiqish deyarli jasorat deb hisoblaydi. Aslida esa teri qalin qoplamalarsiz ham tetik va chiroyli ko‘rinishi mumkin. Quyidagi sodda usullar yuzga tezda porloqlik berishga yordam beradi. Bu oson, tez va ortiqcha urinishlarsiz. Sizga kerak bo‘ladigani bir oz vaqt va bir nechta universal go‘zallik vositalari.
Sovuq patchilar va muz: bedor tunlardan keyin tez yordam
Agar siz kechasi uxlamagan bo‘lsangiz, SOS-vosita sifatida muz kubiklari yordam beradi. Muz qon aylanishini faollashtiradi, shishlarni kamaytiradi va yuzga sog‘lom rang beradi. Muhimi muz kubigini bir joyda uzoq ushlab turmaslik, balki uni yuz bo‘ylab massaj chiziqlari bo‘yicha (yuz markazidan chetga tomon) yuritish kerak.
Gollivud kosmetologi Oleg Henriksen suv o‘rniga sevimli tonikni muzlatishni tavsiya qiladi. So‘ng muz bo‘laklarini yupqa oq paxta ro‘molchaga o‘rab, yuz bo‘ylab asta-sekin surtish kerak. Keyin esa kollagenli serum va oziqlantiruvchi krem surtish kerak.
“Men bu usulni tabiiy botoks deb atayman. Agar doimiy qilsangiz, bu qarishga qarshi mukammal vosita bo‘ladi”, deydi Henriksen.
Lekin muzni juda quruq teri, kuperoz (qon tomirlari muammosi) yoki yaralar mavjud bo‘lsa ishlatish tavsiya etilmaydi. Bunday hollarda alternativ sifatida patchilar (ko‘z osti niqoblari) yaxshi tanlov bo‘ladi. Masalan, pantenol va yog‘lar terini tiklaydi va mustahkamlaydi, peptidlar uni tarang qiladi, aloe va moychechak ekstrakti esa yallig‘lanishni kamaytiradi.
Praymer va porlovchi krem: tonal kremsiz ham terining yaltirashi
Praymer har qanday ayolning kosmetik sumkasidagi yordamchi vosita. Uning vazifasi makiyajni uzoq saqlab turish. U tonal krem uchun asos bo‘lsa ham, alohida holda ham ishlatiladi. Rangsiz praymer yuzni mattlashtiradi va teshiklarni yashiradi. Eng yaxshi effekt uchun suv yoki yog‘ asosidagi praymerni tanlang. Shuningdek, bu teriga porlovchi effekt beradi va uni “nafas olishga” imkon beradi.
Yuzga porloqlik berish uchun maxsus krem yoki quyoshdan himoya qiluvchi spreylardan ham foydalanish mumkin. Ular qimmat bo‘lishi shart emas. Masalan, Jennifer Lopez 11 dollarlik spreydan foydalanadi, aktrisa Emma Stoun esa uzum yong‘og‘i yog‘ini afzal ko‘radi. U aynan shu yog‘ terisini porlab turishiga yordam berishini aytadi.
Kremli rumyana va tint: yonoqlarda tetiklik effekti
Rumyana yuzga tetiklik beradi va rang qo‘shadi, shu bilan birga qizarishlarni ham yashira oladi. Makiyaj qoidalariga ko‘ra, sarg‘ish ayollar uchun och pushti, qorachadan kelgan ayollar uchun esa shaftoli va bej ranglar mos. Aynan kremli rumyana esa namlangan, sog‘lom teri effektini beradi. Agar teri quruq bo‘lsa, uni tint bilan almashtirish mumkin.
Rumyana va tintni surtish uchun yagona “to‘g‘ri” usul yo‘q. “Yonoqdagi olma” usuli hamma uchun to‘g‘ri kelavermaydi, chunki yuz tuzilmalari har xil.
- Tavsiya etilgan texnikalar:
• dumaloq yuz: diagonalda, yonoq suyaklari bo‘ylab;
• cho‘zilgan yuz: gorizontal, chakkalarga chiqmasdan;
• to‘rtburchak yuz: yonoqdagi “olma” usuli bilan yumaloq surish.
Surish uchun cho‘tka (aylanma harakatlar bilan) yoki barmoq (urib surish harakati bilan) ishlatish mumkin.
Silliq qoshlar: ortiqcha urg‘usiz yig‘ilgan obraz
Yaxshi taralgan va silliq qoshlar obrazni yig‘ilgan, yuzni esa tetik qiladi. Bu effektga erishish uchun sizga faqat cho‘tkacha va bir tomchi gel kerak bo‘ladi. Lekin gelni haddan tashqari ko‘p ishlatishdan ehtiyot bo‘ling: agar ortiqcha bo‘lsa, qosh tolalari xira kulrang qatlam bilan qoplanadi.
Qoshga kuchli urg‘u bermang. Ularni ko‘p bo‘yoq bilan to‘ldirish yoki rangli gel bilan shakl berish tashqi ko‘rinishni og‘irlashtiradi va ajinlarni ko‘proq ko‘rsatadi. Buning o‘rniga, urg‘uni ochiq, yorqin lab bo‘yoqlari yoki nam kremli rumyanaga qarating. Bu mayda ajinlarga e’tiborni kamaytiradi va terini yaltiratadi, deydi qosh bo‘yicha mutaxassis Shavata Singh
Haylayter — tetik nigoh siri
Agar yuzni tezda yangilash kerak bo‘lsa, haylayter sizning eng yaqin do‘stingizdir. Suvli (suyuq) haylayterdan tomchi olib, uni ko‘zning ichki burchaklariga surting — bu ko‘zni ochiqroq va dam olgan ko‘rinishga keltiradi. Yana biroz haylayterni qosh uchlariga, yonoqlarga yoki yuqori lab ustidagi “Kupidon belgisiga” (yurak shaklidagi egri chiziq) surtish mumkin. Muhimi yaxshilab tarqating, aks holda yaltirab turgan dog‘lar paydo bo‘lishi mumkin. Agar ko‘proq yaltirashini istasangiz, qo‘shimcha qatlam surtishingiz mumkin.
Bu usullar sizga yuzingizga tetiklik baxsh etishda yordam beradi, hattoki tonal kremsiz ham. Ammo shuni unutmangki, yuzga eng yaxshi nur va sog‘lom ko‘rinish bu uyqu, to‘g‘ri ovqatlanish va toza havodan keladi. Bu uchlik eng yaxshi tint, rumyana va praymerdan ham kuchliroq ta’sirga ega. Shunchaki sinab ko‘ring.
Izoh (0)