“Tolibon” harakati a’zolari yashirin go‘zallik salonlaridagi ayollarni pardoz-andoz qilgani uchun qo‘lga olmoqda. Bu haqda Etilaatroz xabar berdi.
![](/static/2024/08/30/photo_2024-08-30_15-49-00-Gh8yY56-.jpg)
Ma’lum qilinishicha, “Tolibon” tomonidan go‘zallik salonlari va sartaroshxona egalarining ta’qib qilinishi tufayli ko‘plab qizlar hatto to‘yi arafasida ham ularga tashrif buyurishdan qo‘rqadi.
“Tolibon” yashirin ayollar salonlariga kirib, ayollarni ushlayotganini eshitganman. Shuning uchun masterdan hayotimning bu muhim kunida na men, na oilamga muammo tug‘dirmaslik uchun imkon qadar tezroq “ukladka”, pardoz qilib berishini so‘radim, deydi kelinlardan biri.
Salon egasi bo‘lgan ayollardan biri, doimo mijozlaridan salonning joylashuvi haqida boshqalarga aytmaslikni so‘rashini ta’kidladi. Yana bir go‘zallik saloni egasi Ferihaga ko‘ra, “Tolibon” uning saloniga 3 marta kelib, sartaroshlik faoliyati jiddiy oqibatlarga olib kelishi mumkinligini ta’kidlab, tahdid qilgan.
Birinchi va ikkinchi safar salonda bo‘lmaganimda, ular meni qo‘shnilarimdan izlab topdi, shuningdek, onamni sartaroshlik taqiqlangani haqida ogohlantirganlar, deydi Feriha.
“Tolibon” bosimi va boshqa daromad manbalarining yo‘qligi tufayli ayollar barcha ish uskunalarini uyning yerto‘lasiga ko‘chirishga va noqonuniy ishlashni davom ettirishga majbur bo‘ldi. Eslatib o‘tamiz, 2023-yilning iyul oyida “Tolibon” Afg‘onistondagi barcha sartaroshxonalar va go‘zallik salonlarini yopishni buyurgandi.
Izoh (0)