O‘zbekistonda energetika tizimida 471,2 mlrd so‘mlik zarar: noqonuniy foydalanish holatlari fosh etildi. Bu haqda O‘zenergoinspeksiya xabar berdi.
Qayd etilishicha, O‘zenergoinspeksiya tomonidan 2025-yil boshidan buyon energetika tizimida qonun hujjatlari ijrosi va davlat nazoratini amalga oshirish borasida qator ishlar olib borildi.
O‘tkazilgan nazorat tadbirlari natijasida 1094 ta iste’molchi tomonidan tabiiy gaz va elektr energiyasidan noqonuniy foydalanish holatlari aniqlangan. Aniqlangan qoidabuzarliklar natijasida davlat manfaatlariga jami 471,2 milliard so‘m zarar yetkazilgan.
Bundan tashqari energiya resurslaridan noqonuniy foydalanish qoidalarini buzganlik bilan bog‘liq 1 788 ta ma’muriy ish rasmiylashtirildi. Mazkur holatlar bo‘yicha qonunchilikda belgilangan tartibda huquqiy chora-tadbirlar ko‘rilmoqda.
O‘zenergoinspeksiya tomonidan energiya resurslaridan oqilona va qonuniy foydalanish ustidan nazorat doimiy kuchaytirilmoqda.
2025-yil may oyida o‘tkazilgan tekshiruvlar natijasida iste’molchilar tomonidan energiya resurslaridan noqonuniy foydalanilgan 229 ta holat aniqlanib, tizimga 94 milliard 887 million so‘mlik zarar yetkazilgani ma’lum bo‘ldi.
Jumladan, noqonuniy foydalanishlar natijasida:
- 35,6 million kVt soat elektr energiyasi (taxminan 57,9 milliard so‘m) va
- 13,2 million metr kub tabiiy gaz (taxminan 36,9 milliard so‘m) talon-toroj qilingan.
Nazorat tadbirlari yakuniga ko‘ra, energiya resurslaridan foydalanish qoidalarini buzgan iste’molchilar bo‘yicha 448 ta ma’muriy ish rasmiylashtirildi. Belgilangan tartibda choralar ko‘rilib, tegishli hujjatlar huquqni muhofaza qiluvchi organlarga taqdim etildi.
“O‘zenergoinspeksiya” fuqarolar va xo‘jalik yurituvchi subyektlarni energiya resurslaridan foydalanishda qonunlarga qat’iy rioya etishga, aks holda qat’iy javobgarlik choralarini qo‘llash haqida ogohlantirdi.
Gaz o‘g‘irlash holatlari
Izoh (0)