Namangan viloyatida tabiiy gazdan noqonuniy foydalangan novvoyxona faoliyati fosh etildi, deb xabar berdi “Hududgaztaʼminot” AJ.
Maʼlum qilinishicha, Yangi Namangan tumanining “Furqat” MFYda joylashgan, YTT L. Z.ga qarashli novvoyxonada isteʼmolchi gaz taʼminoti tashkiloti bilan shartnoma imzolamasdan, tegishli loyiha-texnik hujjatlarisiz, o‘zboshimchalik bilan bir martalik tamg‘asi yo‘q bo‘lgan hisoblagich o‘rnatib, gazdan noqonuniy foydalanib kelgan.
Holat yuzasidan tegishli tartibda dalolatnoma tuzilib, 315 mln 360 ming so‘mlik zarar qayd etildi. Barcha hujjatlar huquq-tartibot organlariga topshirildi.
Shu bilan birga, Toshkent shahrining Olmazor va Namangan viloyatining To‘raqo‘rg‘on tumanlarida energiya resurslaridan noqonuniy foydalanganlik holatlari aniqlandi.
Olmazor tumanida “D.T.” MCHJ masʼul shaxslari ko‘p qavatli uylarda elektr tarmog‘iga o‘zboshimchalik bilan to‘g‘ridan-to‘g‘ri ulangan. Natijada 142,9 mln so‘mlik elektrdan noqonuniy foydalangan.
To‘raqo‘rg‘on tumanida “A.F.” MCHJ rahbari A.F. va “Z.I.” oilaviy korxonasi rahbari I.T. ishlab chiqarish hamda umumiy ovqatlanish shoxobchasida tijorat maqsadida elektr tarmog‘iga o‘zboshimchalik bilan ulangan. Oqibatda jami 111,4 mln so‘mlik elektrdan noqonuniy foydalangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Gaz o‘g‘irlash holatlari
Izoh (0)