Qarshi shahrida ko‘p qavatli turar joy binolarda hisoblagich o‘rnatmasdan tabiiy gazdan noqonuniy foydalanish holati aniqlandi. Bu haqda “O‘zenergoinspeksiya” xabar berdi.
Maʼlum qilinishicha, Qarshida joylashgan “U.B.T” MCHJga qarashli ko‘p qavatli turar joy binolarni gaz hisoblagich o‘rnatmasdan tabiiy gaz quvuriga ulanib, noqonuniy foydalanib kelgan.
Ushbu qoidabuzarlik natijasida gaz ta‘minoti korxonasiga 1 mlrd 86 mln so‘mlik zarar yetkazilgan.
Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.
Bunday holatlar soni ortib bormoqda
Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi. Shuningdek:
- Buxoroda 1,2 mlrd so‘mlik elektrdan noqonuniy foydalanilgani aniqlandi.
- Qoraqalpog‘istonning uchta hududida 845 mln so‘mlik gazdan noqonuniy foydalanildi.
- Buxoro va Jizzaxda elektrdan noqonuniy foydalanganlar 360 mln so‘mdan ziyod zarar yetkazdi.
- Uchta viloyatda qariyb yarim mlrd so‘mlik gazdan noqonuniy foydalanildi.
Respublika bo‘ylab 26-may kuni 271 ta energoresurslarni yo‘qotish holatlari hamda 470 ta holatda 6,2 mlrd so‘mlik talon-toroj qilish holatlari aniqlandi.
Izoh (0)