Farg‘ona viloyati Rishton tumanida 1,4 mlrd so‘mlik elektr energiyasidan noqonuniy foydalangan muzlatkich ombori aniqlandi.
Xabar berilishicha, holat Bosh prokuratura huzuridagi departamentning Rishton tumani bo‘limi tomonidan o‘tkazilgan tergovga qadar tekshiruvda aniqlangan. “T.V.” MCHJ rahbari S.M. “Bog‘iston” MFY hududidagi muzlatkich omborida hisoblagichga tashqi ta’sir o‘tkazgan holda elektr tarmog‘idan tijorat maqsadida foydalanib, 1,4 mlrd so‘mlik elektr energiyasidan noqonuniy foydalangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Bunday holatlar soni ortib bormoqda
Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi. Shuningdek:
- Buxoroda 1,2 mlrd so‘mlik elektrdan noqonuniy foydalanilgani aniqlandi.
- Qoraqalpog‘istonning uchta hududida 845 mln so‘mlik gazdan noqonuniy foydalanildi.
- Buxoro va Jizzaxda elektrdan noqonuniy foydalanganlar 360 mln so‘mdan ziyod zarar yetkazdi.
- Uchta viloyatda qariyb yarim mlrd so‘mlik gazdan noqonuniy foydalanildi.
Respublika bo‘ylab 26-may kuni 271 ta energoresurslarni yo‘qotish holatlari hamda 470 ta holatda 6,2 mlrd so‘mlik talon-toroj qilish holatlari aniqlandi.
Izoh (0)