Ўзбекистонда энергетика тизимида 471,2 млрд сўмлик зарар: ноқонуний фойдаланиш ҳолатлари фош этилди. Бу ҳақда Ўзэнергоинспекция хабар берди.
Қайд этилишича, Ўзэнергоинспекция томонидан 2025 йил бошидан буён энергетика тизимида қонун ҳужжатлари ижроси ва давлат назоратини амалга ошириш борасида қатор ишлар олиб борилди.
Ўтказилган назорат тадбирлари натижасида 1094 та истеъмолчи томонидан табиий газ ва электр энергиясидан ноқонуний фойдаланиш ҳолатлари аниқланган. Аниқланган қоидабузарликлар натижасида давлат манфаатларига жами 471,2 миллиард сўм зарар етказилган.
Бундан ташқари энергия ресурсларидан ноқонуний фойдаланиш қоидаларини бузганлик билан боғлиқ 1 788 та маъмурий иш расмийлаштирилди. Мазкур ҳолатлар бўйича қонунчиликда белгиланган тартибда ҳуқуқий чора-тадбирлар кўрилмоқда.
Ўзэнергоинспекция томонидан энергия ресурсларидан оқилона ва қонуний фойдаланиш устидан назорат доимий кучайтирилмоқда.
2025 йил май ойида ўтказилган текширувлар натижасида истеъмолчилар томонидан энергия ресурсларидан ноқонуний фойдаланилган 229 та ҳолат аниқланиб, тизимга 94 миллиард 887 миллион сўмлик зарар етказилгани маълум бўлди.
Жумладан, ноқонуний фойдаланишлар натижасида:
- 35,6 миллион кВт соат электр энергияси (тахминан 57,9 миллиард сўм) ва
- 13,2 миллион метр куб табиий газ (тахминан 36,9 миллиард сўм) талон-торож қилинган.
Назорат тадбирлари якунига кўра, энергия ресурсларидан фойдаланиш қоидаларини бузган истеъмолчилар бўйича 448 та маъмурий иш расмийлаштирилди. Белгиланган тартибда чоралар кўрилиб, тегишли ҳужжатлар ҳуқуқни муҳофаза қилувчи органларга тақдим этилди.
“Ўзэнергоинспекция” фуқаролар ва хўжалик юритувчи субъектларни энергия ресурсларидан фойдаланишда қонунларга қатъий риоя этишга, акс ҳолда қатъий жавобгарлик чораларини қўллаш ҳақида огоҳлантирди.
Газ ўғирлаш ҳолатлари
Изоҳ (0)