Ukraina prezidenti Vladimir Zelenskiy Ukraina oyiga 27 ming kishini, Rossiya esa 40-50 ming kishini safarbar qila olishini ma’lum qildi, chunki ularning yo‘qotishlari ko‘proq. Bu haqda u Vengriyaning Válasz Online nashrida bergan intervyusida aytib o‘tgan.
“Har qanday urushda safarbarlik muammo hisoblanadi. Ukraina ham bundan mustasno emas, chunki biz urush tugashini xohlaymiz. Odamlar charchaydi. Biz oyiga 27 ming kishini, rossiyaliklar esa 40-50 ming kishini safarbar qila olamiz, chunki ularning yo‘qotishlari ko‘proq. Bizda harbiy holat tufayli safarbarlik imkoniyati bor. Putinni to‘xtatish bo‘yicha boshqa hech kimda tajriba yo‘q. Aynan biz uni to‘xtatdik”, dedi Zelenskiy.
Ba’zi davlatlar rahbarlarining Ukrainada 18 yoshdan boshlab safarbarlik o‘tkazish haqidagi fikrlariga munosabat bildirgan Zelenskiy buni qilish kerak deb hisoblamasligini ta’kidlagan.
“O‘rgimchak to‘ri” operatsiyasi shuni ko‘rsatdiki, eng muhimi odamlar soni emas, qurol va texnologiya. Shuningdek, pul va bosim ham muhim. Sanksiyalar esa aynan ruslar urushni moliyalashtirayotgan mablag‘larga qaratilgan bo‘lardi”, deya tushuntirdi Zelenskiy.
Uning so‘zlariga ko‘ra, g‘arblik hamkorlar Ukraina 18 yoshdan oshgan shaxslarni safarbar qilmagani uchun sanksiyalar qo‘llash to‘g‘risida qaror qabul qilmaganliklarining sabablarini sanab o‘tmoqda.
“Ochig‘ini aytsam, biz 18-24 yoshlilarga, agar sheriklarimiz xohlasa, ular ham xizmat qila olishlarini ko‘rsatish uchun imkoniyat berdik. Buni biz hozir ularga qonunchiligimizga muvofiq ravishda taqdim etdik. Ammo shu vaqtda minglab odamlar tegishli qurollarsiz jang maydonida kurashmoqda”, degan Ukrain prezidenti.
Ukraina prezidenti Vladimir Zelenskiy 2024-yilda Ukrainaning ayrim qonun hujjatlariga harbiy xizmat, safarbarlik va harbiy ro‘yxatga olishning ayrim masalalari bo‘yicha o‘zgartirishlar kiritish haqidagi qonunni imzolagandi.
Qonunga ko‘ra, safarbarlik chog‘ida 18 yoshdan 60 yoshgacha bo‘lgan erkaklar o‘zlari bilan har doim harbiy ro‘yxatga olinganlik to‘g‘risidagi hujjatni olib yurishlari va uni hududiy qabul qilish markazi vakilining iltimosiga binoan taqdim etishlari shart.
Izoh (0)