O‘zbekiston Superligasi 19-tur doirasidagi “Navbahor” – “Neftchi” hamda “Dinamo” – “OKMK” uchrashuvlari yakuniga yetdi.
Namanganda bo‘lib o‘tgan bahsda “Neftchi” mezbon “Navbahor” ustidan 1:0 hisobida g‘alaba qozondi.
O‘yindagi yagona gol 33-daqiqada kiritildi. Ikromjon Aliboyev uzoq masofadan yo‘llagan zarbasi bilan hisobni ochdi. Uchrashuv davomida har ikki jamoa ham faol harakat qilib, navbatma-navbat xavfli hujumlar uyushtirdi. Biroq o‘yinning qolgan daqiqalarda hisob o‘zgarmadi.
Ushbu natijadan so‘ng “Neftchi” ochkolar sonini 39 taga yetkazib, onlayn turnir jadvalida 1-o‘ringa ko‘tarildi. 31 ochkoga ega “Navbahor” esa 6-pog‘onani band etib turibdi.
Kunning ikkinchi bahsi Samarqandda o‘tkazildi. Unda “Dinamo” Olmaliqning “OKMK” klubini qabul qilib, 1:0 hisobida zafar quchdi.
Ikkinchi bo‘limning 47-daqiqasida “OKMK” himoyachisi xatoga yo‘l qo‘ydi. Ushbu vaziyatdan foydalangan Anvarjon Hojimirzayev hisobni ochdi va bu gol o‘yinda yagonaligini saqlab qoldi.
Natijada “Dinamo” 19-turda muhim 3 ochkoni qo‘lga kiritdi. Samarqandliklar 37 ochko bilan onlayn jadvalda 3-o‘ringa ko‘tarilgan bo‘lsa, “OKMK” 34 ochko bilan 4-pog‘onani egallab turibdi.
O‘zbekiston Superligasi
19-tur
16-avgust, shanba
“Navbahor” — “Neftchi” 0:1
Gol: 0:1 — Aliboyev (33)
“Dinamo” — “OKMK” 1:0
Gol: 1:0 — Hojimirzayev (47)
Izoh (0)