Rossiya uchun BMT bosh shtabini Sochiga joylashtirish yaxshiroq bo‘lardi, bu o‘z vaqtida SSSR rahbari Iosif Stalin tomonidan taklif qilingan. Bu haqda Rossiya tashqi ishlar vaziri Sergey Lavrov ma’lum qildi.
“BMTni Sochiga ko‘chirish eng yaxshi yo‘l bo‘lardi. Aytgancha, Stalin buni taklif qilgan. Jiddiy ravishda taklif qilingan edi. Lekin keyin (AQSH prezidenti Franklin Delano) Ruzveltga yon bosib - avval Long-Aylend, so‘ngra Nyu York, Manxettenni tanladi”, deydi Sergey Lavrov.
Shu bilan birga, Lavrov infratuzilma masalalari tufayli buni hozircha amalga oshirib bo‘lmasligini ta’kidlagan. Uning aytishicha, buning uchun shartnomalarni qayta tuzish, xodimlar uchun yangi turar joy izlash kerak bo‘ladi, bu esa “tasavvur qilish ham dahshatli bo‘lgan xalqlar ko‘chishiga” olib keladi.
“Bu tuzilmalarning barchasi chuqur ildiz otgan. Nafaqat jismoniy jihatdan binolar va mulk ko‘rinishida, balki xodimlar jihatidan ham”, deydi Rossiya tashqi ishlar vaziri.
Lavrov tashkilotni tanqid qilib, ustav tamoyillariga tanlab rioya qilish mumkin emasligini ta’kidlagan va BMTning davlatlarning suveren tengligi tamoyiliga munosabati menyuda “kotlet va baliq”ni tanlashga o‘xshashini bildirgan.
“G‘arb ko‘rayotganidek huquqni qo‘llash amaliyoti mutlaqo yaroqsiz. Biroq xalqaro-huquqiy asoslarga kelsak, BMT nizomi kimga yoqmay qoldi? Unda ta’kidlanishicha, Birlashgan Millatlar Tashkilotining butun faoliyati barcha mamlakatlarning tengligi tamoyiliga asoslanadi va bir-birining ichki ishlariga aralashish mumkin emas. Boshqa masala shundaki, ustavning ushbu tamoyillarini menyudagi kabi tanlab qo‘llash kerak emas: o‘zingizga kotletni tanladingiz, baliqni esa xohlamaysiz — G‘arb xuddi shunday qilmoqda”, dedi Lavrov.
Bundan avval amerikalik tadbirkor Ilon Mask Birlashgan Millatlar Tashkiloti bosh kotibi Antoniu Guterrishning raqamli platformalar haqidagi bayonotidan keyin BMTni moliyalashtirishni to‘xtatishga chaqirgandi.
Izoh (0)