Suratga olish jarayonida grim ustalari chindan ham xato qilishi, suratga olish guruhi charchashi, rejissyor esa biror tafsilotni e’tibordan chetda qoldirishi mumkin.
“Garri Potter va Alanga kubogi” (2005)
Kitobda Germionaning Rojdestvo bayramidagi kiyimi moviy rangda tasvirlangan. Biroq kostyumerlar Emma Uotsonga pushti rang ko‘proq yarashishini hisobga olib, aynan shu rangni tanlagan. Ammo yosh Germiona moviy rangda ham ajoyib ko‘rinishi mumkin edi.
“Kichkina ayollar”
“Kichkina ayollar” filmining bir sahnasida Timoti Shalame qahramoni orqasida zamonaviy ko‘rinishdagi suv idishini payqash mumkin.
Ayrimlar bu suv idishi aslida gidroflyaga bo‘lishi mumkin deb taxmin qilmoqda. Chunki film voqealari sodir bo‘lgan 1863-yilda bunday zamonaviy suv idishi bo‘lmagan.
Boshqa kadrda aktyorning orqasida zamonaviy suv idishi aniq ko‘rinib turibdi, vaholanki, plastik idish ixtiro qilinishiga hali yuz yildan ortiq vaqt bor edi.
“Spenser”
Filmda Diana o‘zi nafratlanadigan marvarid marjonni shunday uzib tashlaydiki, munchoqlar stolga va uning tarelkasiga sochilib tushadi. Bu faqatgina chiroyli dramatik manzara yaratish uchun qo‘llaniladigan eski, siyqasi chiqqan usul bo‘lib, haqiqiy hayotda bunday holat yuz berishi mumkin emas.
Buning asosiy sababi shundaki, qimmatbaho marjonlardagi har bir munchoq bitta umumiy ipga emas, balki alohida-alohida bog‘lanadi. Shu bois agar Diana uni uzib tashlasa, stolga faqat bitta munchoq tushishi mumkin, lekin hech qachon ularning barchasi birdan sochilib ketmaydi.
“Uyda yolg‘iz”
“Uyda yolg‘iz” filmida Kevin zinapoyadan chanada sirg‘anib tushmoqchi bo‘lganida, dastlab kirish eshigi qiya ochiq holda ko‘rsatiladi. Keyingi kadrda esa u allaqachon lang ochiq. Ehtimol, sahnalar turli vaqtlarda suratga olingan va natijada biroz chalkashlik yuz bergan.
“Guchchi uyi”
“Guchchi uyi” filmida Patritsiya Rejani (Ledi Gaga) Mauritsio Guchchining (Adam Drayver) motosikli oynasiga telefon raqamini yozib qo‘yadi. Kadr o‘zgargandan keyin, raqamlar nafaqat butunlay boshqacha yozilganini, balki ularning o‘rni ham almashib ketganini ko‘rish mumkin.
“Gladiator”
Filmning bir sahnasida osmonda Maksimus davrida mavjud bo‘lishi mutlaqo mumkin bo‘lmagan samolyot aniq ko‘zga tashlanadi. Aytgancha, mazkur film o‘z vaqtida eng yaxshi vizual effektlar uchun “Oskar” mukofotini qo‘lga kiritgan.
Qizig‘i shundaki, xuddi shunday samolyotni “Troya” filmida Axillesning (Bred Pitt) boshi ustida ham payqash mumkin.
Bundan tashqari, gladiatorlar jangida aravalardan birida yashiringan odamning oyoq kiyimi ham ko‘zga tashlangan. Aytgancha, boshqa bir aravada esa haqiqiy gaz balloni ko‘rinib qolgan.
“Kleopatra” (1963)
Tarixiy filmda Kleopatra ko‘pincha ekranlarda zamonaviy ingichka poshnali tuflilarda namoyon bo‘ladi. Qiziq tomoni shundaki, ba’zida haqiqiy ko‘rinish uchun malika o‘sha davr uchun odatiy bo‘lgan sandallarda yuradi, biroq keyingi kadrda yana hashamatli poyabzalga almashib qoladi.
“Garri Potter va maxfiy hujra”
Garri va Ron 9 va 3/4 platformadagi portalga yo‘l olishganda, Bukl laqabli boyqush qafasda tinchgina o‘tirardi. Garri yugurib kelib devorga urilgach, qafas ochilib, boyqush mulyaji ko‘rinib qoldi.
“Matritsa”
Neo (Kianu Rivz) agentlardan qochishga urinib, telefonini yo‘qotgan sahnada pastda to‘planib turgan odamlar to‘dasini aniq ko‘rinadi. Bir necha kadrdan so‘ng olomon g‘oyib bo‘ladi va ko‘cha deyarli bo‘shab qoladi.
“Jentlmenlar”
Pirsonning xotini (Mishel Dokeri) avtoustaхonaga borganda, rejissyor uning qizil tagcharmli baland poshnali tuflisini ko‘rsatadigan kadrga alohida e’tibor qaratadi. U ofisga kiradi va chiqish uchun o‘girilganda, tuflisining rangi birdan o‘zgarib, jigarrang tusga kiradi.
Izoh (0)