Amerikalik jurnalist va milliarder Jeff Bezosning ayoli Loren Sanches qiz bazmini haqiqiy Gollivud kechasi uslubida nishonladi.
Tadbir 15-may kuni Parijdagi Lafayetteʼs restoranida bo‘lib o‘tdi, u yerda Lorenni Kim Kardashyan, Keti Perri, Kris Jenner va Yeva Longoriya kabi yaqin do‘stlari kutib oldi. Bazmda mehmonlar kechki ovqatdan bahramand bo‘lishdi, raqsga tushishdi va Sanches uchun pishirilgan bezeli vanil tort bilan go‘zal oqshomni yakunlashdi.
Loren kecha uchun ikki qator oltin tugmali libos tanladi. Kim Kardashyan esa bronza rangdagi gipyur korsetda, xonanda Keti Perri yorqin pushti rangli ko‘ylakda paydo bo‘ldi.
Sanches Instagram sahifasida tadbirdan bir nechta suratlarni joylashtirib, ularni “Abadiyat do‘stlikdan, qorong‘i paytlarda yo‘limni yoritgan va bu yo‘lda qalbimni shakllantirgan ayollar davrasidan boshlanadi” deb izoh qoldirdi.
Juftlik to‘yni 24-26-iyun kunlari Venetsiyada nishonlashga qaror qilgan. Venetsiya meri Luiji Brunyaroning taʼkidlashicha, marosim shaharning har yili minglab sayyohlar tashrif buyuradigan tarixiy maskanida bo‘lib o‘tadi va bu to‘yda taxminan 200 nafar mehmon qatnashishi kutilmoqda.
Izoh (0)