Shou-biznes yulduzlarining sevgi sarguzashtlari ko‘pincha Gollivud melodramalarining ssenariylariga o‘xshaydi: jo‘shqin ehtiroslar, shov-shuvli janjallar va kutilmagan ajralishlar, ulardan keyin nafaqat singan qalblar, balki bir necha million dollarlik qimmatbaho sovg‘alar ham qoladi.
Jey Loning pushti olmosi va armon bo‘lgan unashtiruv marosimi
2000-yillarda Jennifer Lopes va Ben Afflek Gollivudning eng ko‘p muhokama qilingan juftliklaridan biri edi. Ularning munosabatlari haqiqiy sensatsiyaga, unashtiruvi esa jahon miqyosidagi voqeaga aylandi. 2002-yilda aktyor Jey Loga 2,5 million dollar qiymatidagi olti karatli noyob pushti brilliant uzuk sovg‘a qilgan.
Yulduzli juftlik marosimdan bir necha oy oldin unashtiruvni bekor qildi. Ammo Lopes uzukni esdalik sifatida o‘zida saqlab qolgan. Aytgancha, bugungi kunda ba’zi ekspertlar uning qiymatini 11 million dollarga baholamoqda.
Merayya uchun yaxta — ajralishdan so‘ng 50 million dollarlik da’vo
Merayya Keri hashamatga bo‘lgan ishtiyoqi bilan tanilgan. Uning avstraliyalik milliarder Jeyms Peker bilan munosabati atigi 18 oy davom etgan bo‘lsa-da, shu qisqa vaqt ichida tadbirkor Merayyani qimmatbaho sovg‘alarga ko‘mib tashlagan.
Shunday sovg‘alardan biri taxminan 5 million dollarlik yaxta bo‘lib, u Jeymsning shaxsiy yaxtasiga ikki tomchi suvdek o‘xshardi. Biroq juftlik 2016-yilda ajrashib, unashtiruv bekor qilingan. Qizig‘i shundaki, ajrashuvdan so‘ng Keri Pekerdan buzilgan to‘y uchun 50 million dollar tovon puli talab qilgan, ammo sud bu summani haddan tashqari yuqori deb topgan. Tomonlar ishni jamoatchilik e’tiboridan chetda hal qilgan: ommaviy axborot vositalari ma’lumotlariga ko‘ra, xonanda taxminan 10 million dollar olib, uzukni o‘zida qoldirgan.
Rianna uchun million dollarlik taqinchoq va tinchgina ajralish
Rianna va milliarder Hasan Jamil o‘rtasidagi munosabat deyarli uch yil davom etdi. Shu vaqt mobaynida u qo‘shiqchiga eng mashhur hashamatli brendlarning qimmatbaho taqinchoqlarini muntazam ravishda hadya etib turdi. Ularning umumiy qiymati 1 million dollardan oshgan.
Biroq hatto shunday qimmatbaho sovg‘alar ham pop-yulduz bilan Saudiya Arabistonining eng boy oilalaridan biri vakilining munosabatlarini saqlab qola olmadi. Juftlik 2020-yil yanvarida ajrashdi, ammo xonandaning o‘zi ajralish sababi haqida hech qanday izoh bermadi.
Kim Kardashyanning 15 karatli uzugi va bolalar uchun ajrashish
Mashhur Lorraine Schwartz zargarlik brendining hashamatli uzugini Kanye Uest Kimga unashtiruv marosimiga sovg‘a qilgan. O‘shanda bu uzuk zamonaviy shou-biznes tarixidagi eng qimmat unashtiruv sovg‘asi deb tan olingan. Taqinchoqning qiymati 8 million dollardan oshgan bo‘lib, uning dizaynini Kanyening o‘zi zargar bilan hamkorlikda ishlab chiqqan.
“Uzugim xuddi muhabbatimiz singari yarqirab turibdi”, deya ijtimoiy tarmoqlarda yozgan edi baxtli Kim. Biroq yetti yillik nikohdan so‘ng Kim va Kanye ajralishga qaror qilishdi. Kimning o‘zi ta’kidlaganidek, u bolalarning ruhiy osoyishtaligi uchun Kanye bilan ajrashgan.
Izoh (0)