Shou-biznes dunyosi hashamat, katta gonorarlar va aql bovar qilmas xarajatlar bilan to‘lib toshgan. Ammo Gollivud yulduzlari va ommaviy axborot vositalari vakillari orasida saxiylik bilan emas, balki xasisligi bilan mashhur bo‘lganlar ham bor. Ular bankdagi millionlab dollarlarga qaramay, mayda-chuyda narsalarga ham pul tejaydi. Quyida tejamkor mashhurlar reytingining eng yaxshi 5 taligini taqdim etamiz.
Leonardo Di Kaprio — tabiatan xasis (ziqna) bo‘lgan milliarder
Leonardo Di Kaprio nafaqat dunyoning eng yuqori haq to‘lanadigan aktyorlaridan biri, balki tejamkorlikning namunasi hamdir. U o‘ta tabiatparvarligi bilan mashhur. Ammo Leonardoning tejamkorligi baʼzan patologiyaga yaqinlashadi.
Di Kaprio xususiy samolyotlarda (mukofotlarni topshirish marosimlaridan tashqari) uchishdan bosh tortadi, eski Toyota Prius’da sayr qiladi va hashamatli hayot kechirishi mumkin bo‘lsa ham, ko‘pincha arzon mehmonxonalarda tunaydi.
Sara Jessika Parker — qonida minimalizmi bor yulduz
Kerri Bredshou roli bilan tanilgan aktrisani eslaganimizda ko‘z oldimizga moda va qimmatbaho kiyimlar keladi. Ammo haqiqiy hayotda Sara Jessika Parker moliyaviy o‘ziga xoslikning namunasi hisoblanadi. U bolalari uchun kiyimlarni ikkinchi qo‘ldan sotib oladi, brendli narsalardan qochadi va millionlab dollarga ega bo‘lsa ham, o‘rtahol yashashni afzal ko‘rishini ochiqchasiga tan oladi.
Kristian Beyl — bir tiyinni ham behuda sarflamaydigan Betmen
Kristian Beyl milliarder Bryus Ueyn rolini o‘ynaganiga qaramay, o‘zi juda kamtarona hayot kechiradi. U qimmatbaho mashinalar haydamaydi, dizaynerlik kiyimlarini kiymaydi va ko‘pincha bir xil kiyimda jamoatchilik oldida paydo bo‘ladi.
Aktyor hatto qo‘riqchi yollamasligi va oziq-ovqat mahsulotlarini diskaunterlardan sotib olishni afzal ko‘rishi bilan mashhur.
Mark Sukerberg — kulrang futbolkali milliarder
Facebook asoschisi va sayyoraning eng boy odamlaridan biri — Mark Sukerberg o‘zining vazminligi va hatto zohidligi bilan mashhur bo‘lgan.
U bir xil kulrang futbolka va jinsi shim kiyadi, ekonom-klassda uchadi va butun bir orolni sotib olishga qurbi yetsa ham, hashamatli ko‘chmas mulk sotib olmaydi. Uning bunday minimalizmga moyilligi memga aylangan va internetda muhokama qilinadi.
Maykl Jordan
Jordan basketbolchi sifatida faoliyatini ancha oldin yakunlaganiga qaramay, reklama orqali pul ishlashda davom etmoqda va yanada boyib bormoqda.
Ammo milliardlab dollarlik kapitalga ega bo‘lgan Maykl o‘zining tejamkorligi bilan mashhur: u kamdan-kam hollarda choy puli qoldiradi, xayriya ishlariga kamdan-kam mablag‘ ajratadi va ko‘chadagi tilanchilarni chetlab o‘tadi.
“Agar odam pul so‘rashdan uyalmasa, demak, McDonaldʼs’ga xush kelibsiz, nima buyurtma qilmoqchisiz, deb aytishdan ham uyalmaydi”, dedi Jordan intervyularning birida o‘z pozitsiyasini tushuntirib.
Izoh (0)