Sankt-Peterburgda pravoslav ruhoniysi Nikolay Savchenko cherkovdan politsiyaga olib ketilib, 14 sutkaga qamaldi. Bu haqda “Xristianlar urushga qarshi” tashkiloti xabar berdi.
Ma’lum qilinishicha, ma’muriy ish qo‘zg‘atilishiga 2014-yilda “VKontakte” ijtimoiy tarmog‘ida e’lon qilingan surat sabab bo‘lgan. Unda Savchenko Nevskiy prospektida Ukrainaning kichik bayrog‘i bilan suratga tushgan va tarmoqda ulashgan.
Sud Savchenko qo‘lida ushlab turgan bayroqni UMT (“Ukraina millatchilari tashkiloti”) ramzlarining namoyishi deb hisoblagan. Ta’kidlanishicha, 2022-yilning sentyabrida Rossiya Oliy sudi ushbu tashkilotni ekstremistik tashkilotlar ro‘yxatiga kiritgan.
“OVD-Info” inson huquqlari loyihasining qayd etishicha, Nikolay Savchenko Pyotr Mitropolit cherkovida xizmat qiladi va bir necha bor Solovetskiy toshida katta terror qurbonlari xotirasiga ibodatlar o‘tkazgan.
Izoh (0)