2025 yilning birinchi yarmida 50 dan ortiq infratuzilma loyihasi amalga oshirildi, 2023–2025 yillarda LTE-trafik ikki baravarga oshdi.
Raqamli tafovutni qisqartirish va inklyuziv o‘sishni qo‘llab-quvvatlash missiyasi doirasida Beeline Uzbekistan Namangan, Andijon va Farg‘ona viloyatlarini qamrab olgan Farg‘ona vodiysi bo‘ylab mobil tarmoqni sezilarli darajada kengaytirdi. Faqatgina 2025 yilning 7 oyida operator vodiyning eng zich aholi yashaydigan hududlarida qamrov va xizmat sifatini yaxshilash maqsadida qariyb 330 ta baza stansiyasini qurdi va modernizatsiya qildi. Yilning birinchi yarmida 50 dan ortiq yirik infratuzilma loyihasi yakunlandi.
-bQ1n4YXS.avif)
Namangan viloyatida Beeline Uzbekistan LTE qamrovini nafaqat shaharlarda, balki ilgari ulanmagan qishloq hududlarida ham kengaytirdi. Endilikda Yangiqo‘rg‘on tumanidagi Yorilgan, Qorapolvon, Buloq, Navkent, Kurik va Qorayantoq qishloqlarida Beeline Uzbekistan’ning yuqori tezlikdagi mobil interneti birinchi marta ishga tushirildi. Chust va Pop tumanlarini bog‘lovchi yo‘l bo‘yida yangi baza stansiyasi qurilib, uzluksiz aloqa ta’minlandi. Shuningdek, Namangan va Chust shaharlarida hamda Kosonsoy, To‘raqo‘rg‘on, Chust va Yangiqo‘rg‘on tumanlarida tarmoq modernizatsiya qilindi. Bu esa so‘nggi ikki yil ichida LTE’dan foydalanishning sezilarli oshishiga xizmat qildi.
Andijon viloyatida qamrov to‘qqiz tumanda kengaytirildi, jumladan, Shahrixondagi Qumariq mahallasidek olis hududlarda zamonaviy raqamli xizmatlar birinchi marta taqdim etildi.
Farg‘ona viloyatida keng ko‘lamli ishlar yirik shaharlar – Farg‘ona, Qo‘qon, Quvasoy va Marg‘ilonda, shuningdek, o‘nlab qishloq va chekka tumanlarda: Oltiariq, Bag‘dod, Beshariq, Buvayda, Dang‘ara, Quva, Qo‘shtepa, Rishton, Toshloq, O‘zbekiston, Uchko‘prik, Furqat va Yozyovonda amalga oshirildi. Beeline Uzbekistan’ning yuqori tezlikdagi mobil interneti endilikda yangi barpo etilgan Ekoshahar turar joy majmuasida ham mavjud.
Olis qishloqlarda — Oktom va Arsif (Farg‘ona tumani), Tomosha va Girri (Furqat tumani), Xonobod va Arab (Buvayda tumani), Qiyat (Beshariq tumani) — 2G/3G/4G texnologiyalarini qo‘llab-quvvatlovchi yangi baza stansiyalari ishga tushirildi. Bu umumiy qamrovni ta’minlash bo‘yicha keng ko‘lamli dasturning bir qismi hisoblanadi. Shuningdek, muhim transport yo‘laklarida aloqa mustahkamlandi, jumladan, yaqinda qayta ochilgan Qo‘qon aeroporti hududida endi yo‘lovchilar, xodimlar va logistika operatorlari uchun barqaror ovozli va internet xizmatlari mavjud.
“Farg‘ona vodiysi nafaqat O‘zbekistonning eng zich aholi yashaydigan hududlaridan biri, balki o‘sish, unumdorlik va salohiyat ramzidir. So‘nggi ikki yil ichida biz vodiy bo‘ylab 1800 dan ortiq baza stansiyasini qurdik va modernizatsiya qildik. Beeline Uzbekistan’ning tezkor mobil internetini o‘nlab aholi punktlariga birinchi marta olib keldik. Bu sarmoyalar aloqani rivojlantirish, raqamli inklyuzivlik va barcha uchun imkoniyatlar yaratish bo‘yicha uzoq muddatli sa'y-harakatlarimizni aks ettiradi”, — dedi Beeline Uzbekistan texnologiyalar va innovatsiyalar bo‘yicha direktor Gediz Sezgin.
2023 yil boshidan buyon Beeline Uzbekistan Farg‘ona vodiysida umumiy 1800 dan ortiq baza stansiyasini qurdi va modernizatsiya qildi, shundan 1300 dan ortig‘i yangilandi, 470 dan ziyodi yangidan barpo etildi. LTE tarmog‘ining kengayishi hududda qamrov va sig‘imni oshirdi, natijada ko‘proq aholi yuqori tezlikdagi mobil internetdan foydalanish imkoniyatiga ega bo‘ldi.
2023 yildan beri LTE-trafik hudud bo‘ylab qariyb ikki baravarga oshdi. Bu aholining raqamli xizmatlarga bo‘lgan ehtiyoji ortayotganini va Beeline Uzbekistan’ning mamlakatning eng dinamik va zich aholi yashaydigan hududlarida yuqori tezlikdagi barqaror aloqa taqdim etishga qaratilgan strategiyasini tasdiqlaydi. Tarmoq sig‘imini va tezlikni oshirish uchun Beeline Uzbekistan texnik jamoasi Massive MIMO texnologiyasini joriy qildi. Ushbu ko‘p antennali yechim yuqori zichlikdagi hududlarda bir vaqtning o‘zida ko‘plab foydalanuvchilar va qurilmalarga xizmat ko‘rsatish imkonini beradi. Bu allaqachon o‘z natijalarini berdi: 2024–2025 yillarda Farg‘ona vodiysida bir foydalanuvchiga to‘g‘ri keladigan mobil internet tezligi qariyb 50% ga oshdi va hattoki tig‘iz soatlarda ham barqaror, yuqori sifatli aloqa ta’minlanmoqda.
Beeline Uzbekistan haqida
“Unitel” MChJ 2006-yilning 12-sentabridan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan VEON Group tarkibiga kiradi. 2024 va 2025-yillarda “Top Employer” maqomiga ega bo‘ldi.
VEON – 150 milliondan ortiq aloqa xizmati mijozlari va taxminan 120 million oylik faol raqamli foydalanuvchilarga xizmat ko‘rsatadigan raqamli operatordir. Dunyo aholisining 6% ko‘prog‘i istiqomat qiladigan beshta mamlakatda faoliyat yuritayotgan VEON, insonlarning imkoniyatlarini kengaytiruvchi va iqtisodiy o‘sishni rag‘batlantiruvchi texnologiyalarga asoslangan xizmatlar orqali hayotni o‘zgartirmoqda. VEON bosh qarorgohi Dubayda joylashgan bo‘lib, aksiyalari NASDAQ birjasida sotiladi. Batafsil ma’lumot – rasmiy veb-saytda.
Beeline Uzbekistan’da 2 mingdan ortiq xodim ishlaydi. 2006-yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.6 milliard AQSH dollaridan ortiq sarmoya kiritdi. Beeline Uzbekistan SBning O‘zbekistondagi faoliyati davomida 2.1 milliard dollarga yaqin soliq to‘langan.
Sayt: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
X: @beeline_uz
LinkedIn: @beeline-uzbekistan
Reklama huquqi asosida.
Izoh (0)