Eronning Football360 nashri “O‘zbekiston terma jamoasi legionerlari bilan tanishing: ular bizdan o‘tib ketdi” nomli maqolani e’lon qildi. Quyida uni to‘lig‘icha o‘qishingiz mumkin.
2026-yilgi Jahon chempionati saralashining 3-bosqichi, 8-tur doirasida A guruhi yetakchilari — Eron va O‘zbekiston terma jamoalari 25-mart, seshanba kuni o‘zaro to‘qnash keladi.
Hozirda Amir Galenoi boshchiligidagi Eron terma jamoasi 19 ochko bilan peshqadam bo‘lib turgan bo‘lsa, O‘zbekiston 16 ochko bilan ikkinchi o‘rinda va forslarning asosiy ta’qibchisi hisoblanadi.
O‘zbekiston legionerlari soni va ularning klubidagi o‘rni
So‘nggi yillarda O‘zbekiston futboli sezilarli o‘sishga erishdi. Bosh murabbiy Temur Kapadze mart oyidagi yig‘inga 26 nafar futbolchini terma jamoaga chaqirdi, ularning 10 nafari legionerlar bo‘lib, har biri o‘z jamoasida muhim futbolchilar hisoblanadi.
O‘zbekiston terma jamoasidagi legioner futbolchilar 7 ta ligada to‘p tepadi:
- Eron (3 nafar — O‘tkir Yusupov, Jaloliddin Masharipov, Oston O‘runov);
- Rossiya (2 nafar — Abbosbek Fayzullayev, Rustam Ashurmatov);
- Saudiya Arabistoni (1 nafar — Otabek Shukurov);
- BAA (1 nafar — Hojimat Erkinov);
- Italiya (1 nafar — Eldor Shomurodov);
- Angliya (1 nafar — Abduqodir Husanov);
- Ozarbayjon (1 nafar — Bobur Abduxoliqov).
Eron chempionati bu ro‘yxatda yetakchilik qilmoqda. Biroq Masharipov diskvalifikatsiya tufayli Eronga qarshi o‘ynamaydi, O‘runov esa jarohati sabab o‘yinni o‘tkazib yuborishi mumkin.
O‘zbekiston futbolidagi ikkita katta nom ajoyib mavsum o‘tkazmoqda:
- Abduqodir Husanov — 21 yoshli futbolchi qishki transfer oynasida “Lans”dan “Manchester Siti” safiga qo‘shildi va Pep Gvardiola qo‘l ostida shug‘ullanmoqda. Himoyachi hozirda “shaharliklar”ning asosiy tarkib futbolchisi hisoblanadi.
- Eldor Shomurodov — “Oq bo‘rilar” sardori “Roma” hujum chizig‘ida yorqin o‘yin ko‘rsatmoqda. U hozirda ajoyib formada bo‘lib turibdi.
Hozirgi kunda O‘zbekistondan ikki nafar futbolchi Yevropaning top-5 ligasida to‘p surayotgan bo‘lsa, Erondan faqat bitta — Mehdi Taremi (“Inter”). Ammo uning Italiya chempionatidagi ishlari yaxshi emas.
Legionerlarning O‘zbekiston terma jamoasidagi roli
O‘zbekistonning Qirg‘izistonga qarshi oxirgi uchrashuvida asosiy tarkibda maydonga tushgan 7 nafar futbolchi legioner edi:
- O‘tkir Yusupov (“Fulad”)
- Abduqodir Husanov (“Manchester Siti”)
- Rustam Ashurmatov (“Rubin”)
- Otabek Shukurov (“Al-Feyha”)
- Abbosbek Fayzullayev (“SSKA”)
- Jaloliddin Masharipov (“Istiqlol”)
- Eldor Shomurodov (“Roma”)
BAAga qarshi o‘yinida Eron tarkibida besh nafar legioner harakat qildi:
- Saman G‘oddos (“Ittihod Kalba”)
- Mehdi Gayedi (“Ittihod Kalba”)
- Sardor Azmun (“Ash-Shabab”)
- Muhammad Mohebi (“Rostov”)
- Alirizo Jahonbahsh (“Herevan”)
Bu holat O‘zbekiston futbolchilari xalqaro tajribaga ega bo‘lib borayotganini va ular o‘z oldiga katta maqsadlar qo‘yayotganini ko‘rsatadi. Eronga qarshi bahs esa jamoaning jahon miqyosidagi imkoniyatlarini yana bir bor sinovdan o‘tkazadi.
Izoh (0)