Finlyandiya ketma-ket sakkizinchi bor dunyodagi eng baxtli davlat deb topildi. Markaziy Osiyo davlatlari orasida bunday maqomni Qozog‘iston qo‘lga kiritdi. Mamlakatlarning baxtlilik darajasini ko‘rsatuvchi World Happiness Report 2025 reytingi e’lon qilindi.
Mazkur reyting har yili 20-mart kuni nishonlanadigan Xalqaro baxt kunida e’lon qilinadi. Uni tuzishda mamlakatdagi aholi jon boshiga Yalpi ichki mahsulot ko‘rsatkichlari, umr ko‘rish davomiyligi, ijtimoiy yordam, erkinlik, korrupsiya darajasi va saxiylik hisobga olinadi.
Bu yilgi reytingda yuqori o‘ntalikka Finlyandiya, Daniya, Islandiya, Shvetsiya, Niderlandiya, Kosta-Rika, Norvegiya, Isroil, Lyuksemburg va Meksika kirgan. Markaziy Osiyo davlatlarini ko‘rsatkichi quyidagicha:
- Qozog‘iston 43-o‘rin (6 daraja yuqoriladi)
- O‘zbekiston 53-o‘rin (6 pog‘ona pastladi)
- Qirg‘iziston 75-o‘rin (o‘zgarishsiz qoldi)
- Tojikiston 90-o‘rin (2 pog‘ona yuqoriladi)
Turkmaniston o‘tgan yillar kabi reytingga kiritilmagan. Qo‘shma Shtatlar yuqori 10 talikka kira olmagan va o‘tgan yilgi 23-o‘rindan 24-o‘ringa tushib ketgan. Rossiya bir yil ichida reytingda olti pog‘onaga ko‘tarilib, 66-o‘rinni egallagan. Ukraina esa olti pog‘ona pastlab 111-o‘rinni qayd etgan. Afg‘oniston esa eng baxtsiz davlat (147-o‘rin) deb topilgan. Bundan tashqari Sierra-Leone, Livan, Malavi va Zimbabve ham past o‘rinlarni qo‘lga kirigan.
Izoh (0)