Ukraina prezidenti Vladimir Zelenskiy 19-mart kuni AQSH prezidenti Donald Tramp bilan suhbatda hozirgi to‘qnashuv chizig‘i bo‘ylab urushni tugatishga qarshi chiqdi. Bu haqda The Moscow Times xabar berdi.
Hududlar, shaharlar, shaharchalar mavjud, ularni turli aloqa liniyasi kesib o‘tgan. Agar ba’zi joylarda bu liniyalarni qoldirsangiz, siz shunchaki joylar yoki shaharchalarni hayotsiz qoldirasiz. Hech kim shaharning yarmiga qaytib bormaydi, dedi u.
Siyosatchi agar bu yirik shaharlar bilan sodir bo‘lsa, unda aloqa liniyasi uzilishi “Berlinday” bo‘lishini aytdi.
Prezident Trampga “Biz Berlinni xohlaymizmi, shunday shaharlar ko‘p bo‘lishini istaymizmi?, deb ochiqchasiga aytdim. U Berlin devori Kiyev uchun to‘g‘ri kelmasligini” ta’kidladi, dedi Ukraina prezidenti.
Shu bilan birga, u hududlar masalasini mojaroni hal qilishda “eng murakkabi” deb baholadi.
Biz bu masalada Ukrainani iloji boricha himoya qilamiz. Biroq bu bizga juda qiyin bo‘ladi, dedi siyosatchi.
U Tramp hech qachon Ukraina huquqiy jihatdan bosib olingan hududlarni Rossiyaniki deb tan olmasligini tushunishini ta’kidladi. Zelenskiy Ukrainada o‘z harbiylarini joylashtirishi mumkin bo‘lgan davlatlar borligiga ham to‘xtaldi.
Chegarada bo‘lishga tayyor turganlar, xavfli joylarda bo‘lmoqchi bo‘lganlar, faqat dengizda yoki markaziy shaharlarda turmoqchi bo‘lganlar bor. Biz umumiy tasavvurni ishlab chiqishimiz kerak, xaritada aniq sonli kontingentga ega mamlakatlar ko‘rsatilishi lozim, dedi u.
Zelenskiy Tramp bilan suhbatda hozirda Rossiya nazorati ostida bo‘lgan Zaporoje atom elektr stansiyasini AQSHga topshirish imkoniyatini muhokama qilganini aytdi. Uning so‘zlariga ko‘ra, agar Vashington stansiyani modernizatsiya qilishga sarmoya kiritib, uni texnik xodimlar bilan ta’minlasa, Kiyev bunday qadam tashlashga tayyor.
AQSH va Ukraina rahbarlarining telefon orqali muloqoti 19-mart kuni, Tramp va Putinniki esa 18-mart kuni bo‘lib o‘tgan edi.
Izoh (0)