Санкт-Петербургда православ руҳонийси Николай Савченко черковдан полицияга олиб кетилиб, 14 суткага қамалди. Бу ҳақда “Христианлар урушга қарши” ташкилоти хабар берди.
Маълум қилинишича, маъмурий иш қўзғатилишига 2014 йилда “ВКонтакте” ижтимоий тармоғида эълон қилинган сурат сабаб бўлган. Унда Савченко Невский проспектида Украинанинг кичик байроғи билан суратга тушган ва тармоқда улашган.
Суд Савченко қўлида ушлаб турган байроқни УМТ (“Украина миллатчилари ташкилоти”) рамзларининг намойиши деб ҳисоблаган. Таъкидланишича, 2022 йилнинг сентябрида Россия Олий суди ушбу ташкилотни экстремистик ташкилотлар рўйхатига киритган.
“ОВД-Инфо” инсон ҳуқуқлари лойиҳасининг қайд этишича, Николай Савченко Пётр Митрополит черковида хизмат қилади ва бир неча бор Соловецкий тошида катта террор қурбонлари хотирасига ибодатлар ўтказган.
Изоҳ (0)