Qirg‘izistonda bo‘lgan zilzila kuchi O‘zbekistonda sezildi

Bugun, 25-avgust kuni Qirg‘izistonda zilzila sodir bo‘ldi. 4,6 magnitudali yer silkinishi kuchi O‘zbekistonda ham sezildi, deya xabar berdi Seysmoprognostik monitoring respublika markazi.

Xabarga ko‘ra, zilzilaning episentrda sezilish kuchi 5 ballni tashkil etgan. Yer qimirlashi Farg‘ona va Andijon viloyatlarining har birida 2 balldan sezilgan. Zilzila episentri Toshkentdan 343 kilometr janubiy-sharqda joylashgan.

Joriy yil 5-avgust kuni ham Qirg‘izistonda 6 ballik yer qimirlashi sodir bo‘lgandi. O‘shanda zilzila kuchi O‘zbekistonning beshta hududida sezilgan. Jumladan, qo‘shni davlatdagi yer silkirishi Andijon viloyatida 4 ball, Namangan viloyatida 3 ball, Farg‘ona viloyatida 3 ball sezilgan. Qo‘shni davlatdagi zilzila taʼsirida Toshkent shahri va viloyatida ham 2 ballik yer qimirlashi kuzatilgan.