Ukraina rahbariyati prezidentlik saylovini o‘tkazishga rozi bo‘ldi.
Bu haqda AQSH prezidentining maxsus vakili Stiven Uitkoff amerikalik jurnalist Taker Karlsonga bergan intervyusida ma’lum qildi.
Karlson Rossiya tomonining “Ukrainaning amaldagi rahbari saylanmagan va shuning uchun bu davlat bilan shartnoma tuzish mumkin emas” degan pozitsiyasi haqida gapirdi.
“Sizningcha, Ukrainada saylov bo‘ladimi?” deb so‘radi jurnalist. “Ha, bo‘ladi. Ukraina rahbariyati bunga allaqachon rozi bo‘lgan. Ukrainada saylov bo‘ladi”, deb javob berdi Uitkoff.
Shuningdek, u Qora dengizdagi harbiy harakatlarni to‘xtatish bo‘yicha kelishuv kelasi hafta ichida kuchga kirishi mumkinligini ta’kidladi.
“Qora dengizda Ukraina va Rossiya bir-birining kemalarini o‘qqa tutmoqda. Biz bu masalani hal qilishga o‘tdik, kelishuv yaqin bir hafta ichida amalga oshiriladi. Muhokama qilinishi kerak bo‘lgan ba’zi tafsilotlar bor. Bu muhim. Juda muhim”, dedi AQSH prezidentining vakili.
Izoh (0)