“Real” hujumchisi Kilian Mbappe “Manchester Siti” yarim himoyachisi Rodri va uning “Oltin to‘p” mukofotini qo‘lga kiritishi haqida fikr bildirdi. Bu haqida Sportskeeda nashri xabar bermoqda.
Futbolchi intervyuda ushbu sovrinni oldindan kim olishini taxmin qilib bo‘lmasligini aytdi.
“Oltin to‘p” sohibi qanday futbolchi bo‘lishi kerak? Rodri ushbu darajadagi futbolchimi? Men bu mukofotni Vinisus oladi deb o‘ylagandim, ammo natijada uni Rodri qo‘lga kiritdi. Agar men bu haqida uch oy oldin gapirganimda, siz: “Nima deyapsan o‘zi?” deb so‘rardingiz. Bugungi kunda esa “Oltin to‘p” kimga nasib qilishini oldindan bilib bo‘lmaydi, dedi Mbappe.
Eslatib o‘tamiz, 2024-yilda “Oltin to‘p”ni “Manchester Siti” futbolchisi Rodri qo‘lga kiritdi. Ko‘plab mutaxassislar ushbu sovringa “Real” a’zosi Vinisius Junior loyiq ekanligini taxmin qilishgan edi. Ammo yakunda mukofot ispaniyalik futbolchiga nasib qildi.
Ma’lumot uchun, Mbappe ushbu mavsumda “Real” safida 43 o‘yinda maydonga tushdi, 30 ta gol va 4 ta golli uzatmaga mualliflik qildi. Hozirda fransiyalik hujumchi “Oltin to‘p” uchun asosiy da’vogarlardan biri bo‘lib turibdi.
Izoh (0)