“Al-Nassr” va Portugaliya terma jamoasi hujumchisi Krishtianu Ronaldu Globe Soccer Awards marosimida bu yilgi “Oltin to‘p” aslida Vinisiusga topshirilishi kerak bo‘lganini aytdi.
Ronaldu o‘z so‘zida Vinisius va Bellingem mavsumni yaxshi o‘tkazib, bu sovringa ega chiqishga loyiq bo‘lganini taʼkidladi.
“Vinisius “Oltin to‘p”ni yutishi kerak edi, menimcha u yaqqol daʼvogar edi. Unga nisbatan adolatsizlik bo‘lgandi. Mana shuning uchun ham Globe Soccer Awardsʼni yaxshi ko‘raman. Chunki ular haqli bo‘lganlarni taqdirlashadi”, – dedi 39 yoshli hujumchi.
Maʼlumot uchun, Globe Soccer Awards marosimda Krishtianu Ronaldu 2024-yilning eng yaxshi Sharq futbolchisi va barcha davrlarning eng yaxshi to‘purari bo‘ldi. Vinisius esa yil futbolchisi deb topildi.
Izoh (0)