Yangi futbolchilarning “Real”ga o‘tishida braziliyalik futbolchi Vinisius Juniorning xizmati katta bo‘lmoqda.
AS nashrining xabariga ko‘ra, vinger Madrid klubining “norasmiy agenti”ga aylangan.
Vinisius “Real”ning so‘nggi bir nechta katta transferlariga o‘z ta’sirini o‘tkazgan. Futbolchi Jud Bellingem, Endrik va Kilian Mbappe bilan gaplashib, ularni “qaymoqranglilar” safiga o‘tishga ko‘ndirgan.
Shuningdek, Vini “Bavariya” himoyachisi Alfonso Devis bilan ham doimiy aloqada bo‘lib turibdi va uni “Real”ga o‘tishga undamoqda.
Braziliyalik vinger 2018-yildan buyon “Real” sharafini himoya qilib kelmoqda. 2023/24-yilgi mavsumda jamoasi bilan birgalikda La Liga va Chempionlar Ligasida zafar quchgan Vini “Oltin to‘p” sovrini uchun asosiy nomzodlardan biri bo‘lib turibdi.
Izoh (0)