So‘nggi yillarda “Barselona” safida bir yosh yulduz paydo bo‘ldiki, u jamoadagi mas’uliyatni bemalol o‘z bo‘yniga olmoqda. U tushmagan o‘yinlarda “ko‘k-anorranglilar” ba’zi qiyinchiliklarga uchramoqda. Quyida o‘sha futbolchi — Lamin Yamal haqida so‘z boradi.
Yamalning aytishicha, bolaligida uning kumiri Messi emas, balki Neymar bo‘lgan. Ispaniyalik futbolchining sevimli o‘yinchilari ro‘yxatida “Barselona”ning sobiq vingeri Leodan yuqorida turadi. Messi nominal jihatdan kuchligigini Lamin ta’kidlasa-da, braziliyalik o‘yinchining uslubiga maftun bo‘lgan. Neymarni ilk bor Lamin besh yoshida “Santos”da ko‘rgan. Junior ko‘plab mohirona usullardan foydalanib, yengil o‘ynagan. “Barselona”da qanot hujumchisiga qattiq cheklovlar qo‘yilmagandi. Lamin 7 yoshida Neymarni birinchi marta “Kamp Nou”da jonli o‘yinini tomosha qilgan. Va o‘shanda uning o‘rnida bo‘lib qolishni xohlayotganini tushungan.
Futbol haqida gap ketganda, Neymar yangi avlod uchun ajoyib namuna bo‘lganini tan olish lozim. Yengillik, tezlik, epchillik, shafqatsizlik — “Santos”da Junior 225 ta o‘yinda 200 ta golga mualliflik qilgan. Uning atrofida Inyesta, Xavi, Suares va Messi kabi yulduzlar bo‘lmagan. Braziliyalik “Santos”ning harakatlantiruvchi kuchi bo‘lib, usiz jamoa quyi ligaga tushib ketishi tayin edi. Neymarni Pelega qiyoslashardi. Hujumning barcha chizig‘i bo‘ylab harakat qilgan qanot vingerining o‘sha ko‘rinishi Yamalni eslatardi. Lamin nima uchun o‘z bolaligidagi qahramonni va bilvosita ustozini ajratib ko‘rsatayotgani tushunarli.
Neymardan chiroyli futbol o‘ynashni o‘rganish mumkin, ammo uning karyerasi qanday yo‘l tutmaslik kerakligiga misol bo‘ladi. Yamal “PSJ”ga 250 million yevro evaziga o‘tish uchun shoshilmaydi Garchi Parijda unga juda katta maosh taklif qilib, Mbappe kabi e’zozlash va’da qilinsa ham. Lamin “Barselona”da qolishni xohlayotganini ta’kidlamoqda. Ammo “g‘alati” prezident Bartomeu hukmronligi davrida paydo bo‘lgan ulkan qarzlar prezident Laporta rahbarligidagi klubni jarlik yoqasiga yetaklamoqda. Ehtimol, kataloniyaliklar bankrotlik e’lon qilmaslik uchun asosiy iste’dodlarni sotish masalasini ko‘rib chiqishlariga to‘g‘ri kelar.
17 yoshli Yamal o‘zi tushunmaydigan narsalar bilan boshini qotirib o‘tirmaslikka harakat qiladi. Uning vazifasi “Barselona”ga maydonda omon qolishga yordam berish. Ispaniya Superkubogi yarim finalidan o‘rin olgan “Atletik”ka qarshi o‘yinda Pedri Baldega to‘pni oshirdi, Alexandro esa jarohatidan endi qutulgan Gaviga gol urishi uchun assistni amalga oshirdi. Kataloniya klubi yoshlari Yevropa chempioni Simon darvozasiga muhim to‘p kiritish yo‘lini topdi. Ikkinchi gol ham “La Masiya” tarbiyalanuvchilari gardaniga tushdi. Gavining ajoyib uzatmasidan so‘ng Yamal to‘pni o‘ziga bo‘ysundirib, darvozani ishg‘ol etdi. Finalda esa azaliy raqib “Real” 5:2 hisobida taslim etildi. 22-daqiqada Lamin ajoyib reyd bilan darvozani ishg‘ol etib, o‘z hisobiga gol yozdirib ham qo‘ydi.
Yamal doimo e’tibor markazida bo‘lavermaydi. Uni o‘ng qanotdagi Kundening faolligi unga bo‘lgan bosimni pasaytiradi. Jyul “Barselona”ning eng yaxshi o‘yinlarida Dani Alvesga o‘xshab harakat qiladi. Afsonaning futbol usullarini o‘rganish mumkin, ammo braziliyalikning maydondan tashqaridagi xatolarini takrorlash esa yaramaydi. Alves jinsiy zo‘ravonlik uchun qamoqda o‘tirib chiqdi. Kunde unday shov-shuvli voqealarga aralashmaydi. Yamal yordam uchun sherigidan minnatdor bo‘lishi kerak. Messi Alves kelgach yanada rivojlangan, undan oldin esa Lionelni kamroq iqtidorli bo‘lgan o‘ng qanot himoyachilari qo‘riqlardi. Yamalga esa omad kulib boqdi.
Messi Eto‘O va Ronaldinyodan ulkan yordam uchun minnatdor bo‘lgan. Yamalning Levandovski va Rafinyasi bor. Oxir-oqibat, Gvardiola kamerunlik va braziliyalik futbolchilarni qo‘yib yuboradi, chunki Dinyo Deku bilan birgalikda ko‘pincha ichkilikbozlik qilishgan. Xosep esa ular Messini ham tungi klubga olib ketib, yosh iste’dodning faoliyatini barbod qilishlaridan qo‘rqardi. Flik xavotirlanmasligi mumkin. Rafinya ham, Levandovski ham ichmaydi. Eng yomon holatda polyak Yamalga raqsga tushishni o‘rgatishi mumkin. Lamin uchun rivojlanishga ajoyib sharoit yaratilgan.
Yamal “Barselona”da o‘zini ko‘rsata olyapti, ammo Pedri, Gavi va Olmo unga dunyoning eng yaxshi yosh futbolchisi bo‘lishiga yordam berishdi. Lamin juda yaxshi va bu uning faoliyati uchun xavfli. Messi xotirjamlik bilan yuqorilagan va ko‘p mavsumlar davomida o‘zini o‘ta yuqori darajadagi formasida bo‘la olgan.
Yamal esa faoliyatida bo‘lishi mumkin bo‘lgan past-balandliklarga tayyor bo‘lishi lozim. Asosiysi, braziliyalik Ronaldo kabi jarohatlar girdobiga tushib qolmasligi kerak. Lamin futbol olami ko‘z o‘ngida o‘sib bormoqda. Ba’zida yanada uzoqroqqa borish uchun sekinlashish ham zarar qilmaydi.
“Barselona” Chempionlar Ligasi pley-offiga muvaffaqiyatli chiqib oldi. Hozir jamoa umumiy jadvalda “Liverpul”dan keyin ikkinchi o‘rinda bormoqda. “Monako”ga mag‘lub bo‘ldi, qolgan 6 ta o‘yinda g‘alaba qozondi. “Bavariya”dek jamoani tor-mor etdi. 7-turda dramatik kechgan o‘yinda “Benfika”ni mag‘lubiyatga uchratdi. Umumiy 26 ta gol urdi — hatto “Seltik”ka qarshi bahsda 7 ta gol urgan “Borussiya”dan ham ko‘proq. Ispaniya chempionatida esa muammolar bordek. Bir qator xatolardan so‘ng, jamoa “Real” (46 ochko) va “Atletiko”ni (44 ochko) oldinga o‘tkazib yuborib, 39 ochko bilan 3-o‘rinda bormoqda.
Yamalning asabiylashganini ko‘rmaymiz. Aftidan, u “Bayer” futbolchisi Virts singari tribuna bosimini sezmaydi, himoyachilarning provokatsiyalariga berilmaydi. Himoyachilar Laminga nisbatan qattiqroq o‘ynashadi, bu borada esa futbolchi texnikasini rivojlantirishi lozim.
Yamal 2025-yilda samaradorligini oshirishni asosiy maqsadi deb bilishini ta’kidladi. U jamoasining La Liga va Chempionlar Ligasida g‘alaba qozonishi uchun qo‘lidan kelgan barcha ishni qilmoqchi. Bizning ko‘z oldimizda esa yaqin 10 yillikning yetakchi futbolchilaridan biri porlab chiqmoqda.
Izoh (0)