Bugun, 28-oktyabr kuni Parijda “Oltin to‘p”ni topshirish marosimi bo‘lib o‘tadi.
Parijning “Shatle” teatrida bo‘lib o‘tadigan marosim Toshkent vaqti bilan 22:45 start olishi kutilmoqda.
France Football talqiniga ko‘ra yilning eng yaxshi futbolchisi bo‘lish uchun 30 nafar o‘yinchining nomzodi ko‘rsatilgan:
Jud Bellingem (“Real”), Ruben Diash (“Manchester Siti”), Filip Foden (“Manchester Siti”), Federiko Valverde (“Real”), Emiliano Martines (“Aston Villa”), Erling Holand (“Manchester Siti”), Niko Uilyams (“Atletik”), Granit Jaka (“Bayer”), Artyom Dovbik (“Jirona” / “Roma”), Toni Kroos (“Real”, faoliyatini yakunladi), Vinisius Junior (“Real”), Dani Olmo (“Leypsig” / “Barselona”), Florian Virts (“Bayer”), Martin Edegor (“Arsenal”), Mats Hummels (“Borussiya” Dortmund / “Roma”);
Rodri (“Manchester Siti”), Harri Keyn (“Bavariya”), Deklan Rays (“Arsenal”), Vitinya (“PSJ”), Koul Palmer (“Chelsi”), Daniel Karvaxal (“Real”), Lamin Yamal (“Barselona”), Bukayo Saka (“Arsenal”), Hakan Chalhanoglu (“Inter”), Vilyam Saliba (“Arsenal”), Kilian Mbappe (“PSJ” / “Real”), Lautaro Martines (“Inter”), Ademola Lukman (“Atalanta”), Antonio Ryudiger (“Real”), Aleks Grimaldo (“Bayer”).
21 yoshdan oshmagan eng yaxshi yosh futbolchilar uchun beriladigan “Kopa Trofi” sovrini uchun quyidagi nomzodlar kurash olib boradi:
Pau Kubarsi, Lamin Yamal (ikkalasi ham “Barselona”), Alexandro Garnacho, Kobbi Maynu (ikkalasi ham “Manchester Yunayted”), Arda Gyuler (“Real”), Karim Konate (“Zalsburg”), Joau Nevesh, Uorren Zair-Emeri (ikkalasi ham “PSJ”), Savio Moreyra (“Manchester Siti”), Matias Tel (“Bavariya”).
Darvozabonlar uchun beriladigan Lev Yashin sovrini uchun:
Diogu Koshta (“Porto”), Janluiji Donnaruma (“PSJ”), Gregor Kobel (“Borussiya”), Andrey Lunin (“Real”), Mayk Menyan (“Milan”), Georgiy Mamardashvili (“Valensiya”), Emiliano Martines (“Aston Villa”), Unai Simon (“Atletik”), Yan Zommer (“Inter”) va Ronuen Uilyams (“Mamelodi Sandauns”).
France Football talqiniga ko‘ra eng yaxshi murabbiy bo‘lish uchun nomzodlar:
Xabi Alonso (“Bayer”), Karlo Anchelotti (“Real”), Luis de la Fuente (Ispaniya terma jamoasi), Jan Pyero Gasperini (“Atalanta”), Pep Gvardiola (“Manchester Siti”), Lionel Skaloni (Argentina terma jamoasi).
Yilning eng yaxshi klubi bo‘lish uchun nomzodlar:
“Borussiya” Dortmund, “Jirona”, “Bayer”, “Real” va “Manchester Siti”.
Shuningdek, marosim davomida eng yaxshi to‘purarga beriladigan Gerd Myullar sovrini, futboldan tashqari harakatlar uchun Sokrates sovrini, ayollar futbolidagi “Oltin to‘p” sovrini o‘z egalarini topadi.
Sovrin uchun 2023-yil 1-avgustdan 2024-yil 31-iyul kunigacha bo‘lgan davr hisobga olinadi.
Izoh (0)