Fransiyaning Parij shahrida 2024-yilgi “Oltin to‘p” sohibini taqdirlash marosimi bo‘lib o‘tdi.
“Manchester Siti” futbolchisi Rodri 2024-yilgi “Oltin to‘p” sohibiga aylandi. Rodri o‘tgan mavsumda “Manchester Siti” bilan birgalikda Angliya chempionligini qo‘lga kiritdi, shuningdek, Ispaniya termasi bilan Yevro g‘olibiga aylandi va ushbu turnirning eng yaxshi futbolchisi sovrinini qo‘lga kiritgandi.
“Barselona” futbolchisi Lamin Yamal eng yaxshi yosh futbolchiga beriladigan “Kopa Trofi” sovrinini qo‘lga kiritdi. Pau Kubarsi (“Barselona”), Arda Gyuler (“Real”), Savio Moreyra (“Manchester Siti”), Kobbi Maynu (“Manchester Yunayted”) kuchli 5 likdan joy oldi.
Madridning “Real” jamoasi yilning eng yaxshi klubi deb topildi. Madrid jamoasidan tashqari “Borussiya” Dortmund, “Jirona”, “Bayer” va “Manchester Siti” kabi klublarning nomzodlari qo‘yilgan edi.
“Real” bosh murabbiyi Karlo Anchelotti yilning eng yaxshi murabbiyi deb topildi. Biroq mutaxassisning o‘zi ushbu marosimga tashrif buyurmagan.
Jenifer Ermoso esa Sokrates nomidagi sovrin sohibiga aylandi.
Argentina terma jamoasi va “Aston Villa” darvozaboni Emiliano Martines eng yaxshi darvozabonga beriladigan Lev Yashin sovriniga ega chiqdi. Golkiper ketma-ket ikkinchi marta ushbu sovringa ega chiqdi.
Unai Simon (“Atletik”), Andrey Lunin (“Real”), Mayk Menyan (“Milan”) va Janluiji Donnaruma (“PSJ”) kuchli beshlikni yakunlab berdi.
“Bavariya” hujumchisi Harri Keyn hamda “Real” a’zosi Kilian Mbappega eng yaxshi to‘purarga beriladigan Gerd Myuller sovrini nasib etdi.
“Barselona” a’zosi Aytana Bonmati ayollar o‘rtasidagi “Oltin to‘p”ga loyiq ko‘rildi.
“Oltin to‘p” uchun ovoz berish natijalari quyidagicha ko‘rinish oldi:
30-29. Artyom Dovbik (“Jirona” / “Roma”)
30-29. Mats Hummels (“Borussiya” Dortmund / “Roma”)
28. Aleks Grimaldo (“Bayer”)
27. Vitinya (“PSJ”)
26. Deklan Rays (“Arsenal”)
25. Koul Palmer (“Chelsi”)
24. Uilyam Saliba (“Arsenal”).
23. Ruben Diash (“Manchester Siti”)
22. Antonio Ryudiger (“Real”)
21. Bukayo Saka (“Arsenal”)
20. Hoqon Chalhano‘g‘lu (“Inter”)
19. Martin Edegor (“Arsenal”)
18. Emiliano Martines (“Aston Villa”)
17. Federiko Valverde (“Real”)
16. Granit Jaka (“Bayer”)
15. Niko Uilyams (“Atletik”)
14. Ademola Lukman (“Inter”)
13. Dani Olmo (“Leypsig“ / ”Barselona”)
12. Florian Virts (“Bayer”)
11. Fil Foden (“Manchester Siti”)
10. Harri Keyn (“Bavariya”)
9. Toni Kroos (“Real”, faoliyatini yakunlagan)
8. Lamin Yamal (“Barselona”)
7. Lautaro Martines (“Inter”)
6. Kilian Mbappe (“PSJ” / “Real”)
5. Erling Holand (“Manchester Siti”)
4. Dani Karvaxal (“Real”)
3. Jud Bellingem (“Real”)
2. Vinisius Junior (“Real”)
1. Rodri (“Manchester Siti”).
Izoh (1)
Nohaqlik boʻlibdi har doimgidek irqchilik