Argentina terma jamoasi bosh murabbiyi Lionel Skaloni Messining 2026-yilgi Jahon chempionatida o‘ynash imkoniyati haqida fikr bildirdi.
“Hozir bu haqda gapirishning vaqti emas. Men bu savol hozirgi kunda muhim ahamiyat kasb etmaydi, deb hisoblayman.
Leo o‘zining kelajagi uchun qanday qaror qabul qilish kerakligini yaxshi biladi va biz unga mustaqil ravishda qaror qabul qilish imkoniyatini berishimiz kerak”, deya Skaloni so‘zlarini keltiradi Goal.com nashri.
Ma’lumot uchun, Lionel Messi yetakchiligidagi Argentina terma jamoasi so‘nggi ikki yirik turnirda g‘olib chiqqan. Jamoa 2022-yilda Qatarda bo‘lib o‘tgan jahon chempionatida, shuningdek, 2024-yilgi Amerika Kubogida chempionlikni qo‘lga kiritgan.
Professional faoliyati davomida Lionel Messi sakkiz marta “Oltin to‘p” sovrinini qo‘lga kiritgan va sayyoraning eng yaxshi futbolchisi deb topilgan.
Izoh (0)