“Real”ning sobiq hujumchisi Rud van Nistelroy “PSJ” hujumchisi Kilian Mbappening “qirollik klubi”ga o'tishi va uning maydondagi ehtimoliy pozitsiyasi haqida gapirdi.
“Kelasi yil Mbappeni “Real”da ko‘ryapmanmi? Ha. Kilian juda aqlli futbolchi va inson va men u hali juda yosh bo‘lgani uchun o‘z karyerasini yaxshilash haqida o‘ylayotganiga aminman. “Oltin to‘p”ni qo‘lga kiritish uchun u “Real”da o‘ynashi kerak.
Mbappe Vinisius va Rodrigoga mos keladimi va kim “to‘qqizlik” sifatida o‘ynashi kerak? Albatta, ular bir-biriga mos keladi va kim “to‘qqizlik”da o‘ynasa, u o‘yinlarda o‘zgaradi, chunki Anchelotti o‘z futbolchilariga hujumda katta erkinlik beradi. Gohida Mbappe yaqqol hujumchi pozitsiyasida harakat qiladi, gohida Vinisius, bu yilgidek, hatto Rodrigo ham oldingi chiziqqa o‘tishi mumkin. Orqada Bellingemi bo‘lgan bu trioning tezligi juda yuqori. Ularning yordami bilan “Real” o‘zining yangi davrini belgilashi mumkin”, — deya van Nistelroy so‘zlarini keltirmoqda AS.
OAV xabarlariga ko‘ra, “PSJ” va Fransiya terma jamoasining 25 yoshli hujumchisi Kilian Mbappe “Real” bilan 2024-yilning yozida shartnoma imzolashi mumkin. Joriy mavsumda u klub safida 46 ta o‘yin o‘tkazib, 43 ta gol va 10 ta golli uzatmani amalga oshirdi. Mbappe chap qanot va markaziy hujumchi pozitsiyalarida o‘ynagan.
Izoh (0)