“Real Madrid”ning angliyalik yarim himoyachisi Jud Bellingem Ispaniya chempionatida 72 avval o‘rnatilgan tarixiy natijani takrorladi. Bu haqda Mister Chip X (sobiq Twitter) ijtimoiy tarmog‘ida xabar berdi.
Manbaga ko‘ra, La Liganing ketma-ket olti uchrashuvida gol urgan Bellingem “qirollik klubi”ning sobiq yarim himoyachisi Roke Olsendan keyin hujumchi bo‘lmagan holda bunday seriyani qayd etgan birinchi futbolchi bo‘ldi.
La Liganing 17-turida “Rayo Valekano” darvozasiga gol urgan futbolchi (3:3) avvalroq “Jirona”, “Atletik”, “Xetafe”, “Leganes” va “Osasuna” darvozalarini ishg‘ol qilgandi.
Ma’lumot uchun, joriy mavsumda Jud klub safida barcha musobaqalarda 19 ta o‘yinda maydonga tushib, 7 ta gol va to‘rtta golli uzatmani amalga oshirgan.
FIFPro tomonidan tuzilgan ramziy jamoaga “Real” klubidan 6 futbolchi kiritildi. Ular orasida angliyalik futbolchi ham bor.
“Oltin to‘p” uchun so‘rovnomada Bellingem uchinchi o‘rinni egallagan edi. Ushbu mukofotga Rodri ega chiqdi. Judning jamoadoshi Vinisius ikkinchi bo‘ldi.
Izoh (0)