Madridning “Real” klubi Vinisius Juniorga yangi shartnoma taklif qilmoqchi.
Relevo nashrining xabariga ko‘ra, “qaymoqranglilar” 24 yoshli futbolchining atrofidagilar bilan bitimni uzaytirish masalasini muhokama qilish maqsadida bir necha oy oldin aloqalarni boshlagan.
“Real” Vinisiusni jamoaning asosiy futbolchisi ekanligi, natijalarga ta’sir ko‘rsatayotgani, Chempionlar Ligasida ham o‘zini ko‘rsatayotgani uchun yangi shartnoma bilan taqdirlamoqchi.
Shuningdek, madridliklar yana ikkita maqsadni ko‘zlagan: bitim orqali boshqa klublar, xususan, Saudiya Arabistoni jamoalarining futbolchi uchun takliflaridan qochish va Kilian Mbappe kelganidan keyin u ikkinchi planga o‘tmaganini bildirish.
Biroq, hozircha vaziyat oldinga siljimagan. Vinisius taklifni tinglagan va klubga tashabbus uchun minnatdorlik bildirgan, biroq shartnomani uzatirishga shoshilmaydi.
Joriy mavsumda braziliyalik futbolchi La Liganing 11 ta uchrashuvida 5 ta gol urdi va 4 ta golli uzatmani amalga oshirdi.
Izoh (0)