Krishtianu Ronaldu Kilian Mbappe “Real”da “Oltin to‘p”ni qo‘lga kiritishiga ishonmoqda.
Ferdinand bilan suhbatda Ronaldu fransiyalik futbolchining qanday qiyinchiliklarga duch kelishi mumkinligini ma’lum qildi.
“Ochig‘ini aytsam, uning uchun hammasi yaxshi bo‘ladi, deb o‘ylayman. Klub ajoyib, kuchli tuzilmaga ega. Ularda ko‘p yillardan buyon ishlab kelayotgan ajoyib murabbiy va prezident bor.
Menimcha, u hech qanday qiyinchilikka duch kelmaydi. U iqtidorli va o‘zi qodir bo‘lgan hamma narsani ko‘rsata oldi. Shuning uchun u keyingi yil “Oltin to‘p” sohibiga aylanishi mumkin. Undan keyingi yillarda futbolchiga Holand, Bellingem raqobatchilik qilishi mumkin”.
Rio Ferdinand ular qatoriga Vinisiusni qo‘shdi. Ronaldu esa uning fikrini tasdiqlamadi, inkor ham etmadi.
“Yana Lamin Yamal. Menimcha, yangi avlod katta salohiyatga ega. Ishonchim komilki, unda hammasi yaxshi bo‘ladi”, dedi Ronaldu o‘zining YouTube kanalida Rio Ferdinand bilan suhbatda.
Ma’lumot uchun, hozirgi kunda Ronalduning YouTube’dagi kanali obunachilari 60 millionga yetgan.
Izoh (0)