“Real” klubining sobiq hujumchisi Xoselu France Football nashrining “Oltin to‘p” uchun kurashda favorit kim ekanini aytdi.
“Oltin to‘pni Karvaxalga bergan bo‘lardim. U o‘tgan mavsumda barcha sovrinlarni qo‘lga kiritdi va yangi mavsumni UEFA Superkubogini yutish bilan boshladi. Qolaversa, u ilgari Chempionlar Ligasi finalida bo‘lgani kabi bu turnirda ham gol urib, Yevropa chempionligini qo‘lga kiritdi. Bunday natijaga u himoyachi bo‘lib erishmoqda. “Oltin to‘p” tashkilotchilari uning yutuqlarini tan olib, shunday futbolchilarga ko‘proq e’tibor qaratishlari kerak. Odamlar ko‘p gol urgani uchun faqat hujumchilarga e’tibor beradi. Ammo “Real”da himoyachi sifatida o‘ynash — bu e’tirofga loyiq ajoyib yutuq”, deya Xoselu so‘zlarini keltirgan AS.
O‘tgan mavsumda Karvaxal barcha musobaqalarda 41 ta o‘yinda qatnashib, 6 ta gol va 5 ta golli uzatmaga mualliflik qilgan. Transfermarkt portalida berilgan ma’lumotlarga ko‘ra, futbolchining bozor qiymati 12 million yevroni tashkil qiladi.
Izoh (0)