Messi, Holand va Mbappe top-3 likda, Benzema 8 pog‘ona yuqoriladi. “Oltin to‘p”ga ehtimoliy da’vogarlar reytingi yangilandi

Angliyaning Goal nashri “Oltin to‘p” uchun nomzodlarning yangilangan reytingini e’lon qildi.

Reytingni hamon “PSJ” hujumchisi Lionel Messi boshqarib bormoqda. Keyingi o‘rinlardan Erling Holand (“Manchester Siti”) va Kilian Mbappe (“PSJ”) joy olgan.

Reytingda “Real” forvardi Karim Benzema sezilarli o‘sishga erishgan. “Oltin to‘p”ning amaldagi sohibi bir yo‘la 8 pog‘ona yuqorilab, 5-o‘ringa ko‘tarildi. O‘tgan galgi reytingda 17-pog‘onaga loyiq ko‘rilgan Kevin de Bryuyne (“Manchester Siti”) 8-o‘rinda qayd etilgan.

Quyida top-20 lik reyting bilan tanishing:

1. Lionel Messi (“PSJ”, o‘tgan oydagi reytingi — 1);
2. Erling Holand (“Manchester Siti”, 2);
3. Kilian Mbappe (“PSJ”, 3);
4. Vinisius Junior (“Real”, 5);
5. Karim Benzema (“Real”, 13);
6. Viktor Osimhen (“Napoli”, 4);
7. Xvicha Kvaratsxeliya (“Napoli”, 6);
8. Kevin de Bryuyne (“Manchester Siti”, 17);
9. Markus Reshford (“Manchester Yunayted”, 7);
10. Robert Levandovski (“Barselona”, 10);
11. Kazemiro (“Manchester Yunayted”, 9);
12. Brunu Fernandesh («Manchester Yunayted, reytingda ilk bor);
13. Bukayo Saka (“Arsenal”, 10);
14. Nikolo Barella (“Inter”, reytingda ilk bor);
15. Xulian Alvares (“Manchester Siti”, 19);
16. Jamal Musiala (“Bavariya”, 11);
17. Jud Bellinghem (“Borussiya”, 12);
18. Mayk Menyan (“Milan”, reytingda ilk bor);
19. Martin Edegor (“Arsenal”, 16);
20. Jek Grilish (“Manchester Siti”, reytingda ilk bor).

“Oltin to‘p” sovrini France Football nashri tomonida mavsumning eng yaxshi o‘yinchisiga beriladi.