“Реал” ҳужумчиси Килиан Мбаппе “Манчестер Сити” ярим ҳимоячиси Родри ва унинг “Олтин тўп” мукофотини қўлга киритиши ҳақида фикр билдирди. Бу ҳақида Спорцкееда нашри хабар бермоқда.
Футболчи интервьюда ушбу совринни олдиндан ким олишини тахмин қилиб бўлмаслигини айтди.
“Олтин тўп” соҳиби қандай футболчи бўлиши керак? Родри ушбу даражадаги футболчими? Мен бу мукофотни Винисус олади деб ўйлагандим, аммо натижада уни Родри қўлга киритди. Агар мен бу ҳақида уч ой олдин гапирганимда, сиз: “Нима деяпсан ўзи?” деб сўрардингиз. Бугунги кунда эса “Олтин тўп” кимга насиб қилишини олдиндан билиб бўлмайди, деди Мбаппе.
Эслатиб ўтамиз, 2024 йилда “Олтин тўп”ни “Манчестер Сити” футболчиси Родри қўлга киритди. Кўплаб мутахассислар ушбу совринга “Реал” аъзоси Винисиус Жуниор лойиқ эканлигини тахмин қилишган эди. Аммо якунда мукофот испаниялик футболчига насиб қилди.
Маълумот учун, Мбаппе ушбу мавсумда “Реал” сафида 43 ўйинда майдонга тушди, 30 та гол ва 4 та голли узатмага муаллифлик қилди. Ҳозирда франциялик ҳужумчи “Олтин тўп” учун асосий даъвогарлардан бири бўлиб турибди.
Изоҳ (0)