Kilian Mbappe “PSJ”dagi hozirgi holati, “Oltin to‘p”ga nomzodligi haqida gapirib o‘tdi.
Jamoat mening natijalarimni yaxshi baholamaydimi? Ha. Lekin bunda ularni ayblamayman. Ular meni Fransiyada qanday ulg‘ayganimni ko‘rdi, har hafta yo “PSJ”dagi yoki terma jamoadagi o‘yinimgagina guvoh. Uzoq yillar mobaynida ko‘plab gollar urib kelyapman. Bu esa ular uchun odatiy holga aylangan.
Bundan shikoyat qilmayman. Hali yoshman, yaqindagina aktyor bo‘lishimdan oldin tomoshabin edim. Men ham Messi yoki Ronaldu singari buyuk futbolchilarning ishlarini yetarlicha baholay olmaganman. Hozir biz yanada ko‘proq talab qiladigan jamiyatga yashayapmiz.
“PSJ”dagi o‘yinlarim unchalik foyda bermaydi. Bilaman, oxirgi paytlar gap-so‘zlar ko‘payib ketdi, lekin men nima to‘g‘ri bo‘lsa, shuni qilyapman.
“PSJ” Chempionlar Ligasida nega muvaffaqiyatsizlikka uchrayotganini bilmayman. Biz qo‘limizdan kelganini qildik, nuqta. Bu savol jamoani qurayotgan odamlarga berilishi kerak.
Men esa o‘z ishimni yanada yaxshiroq qilishga urinyapman. Ushbu mavsum klub uchun 40 dan ziyod gol urdim, terma jamoada esa 13 ta golga mualliflik qildim. Men sehrgar emasman.
Agar oldingi qoidalar amalda bo‘lganda, men hozir “Oltin to‘p”ga nomzodlar qatorida bo‘lmasdim. Hozir futbolchining o‘yiniga ko‘proq e’tibor berilmoqda.
Hozir ko‘proq maydonda ko‘zga tashlangan, o‘yin taqdirini hal qilgan, jamoaga katta ta’sir o‘tkaza olgan futbolchilar tanlab olinmoqda.
Bu borada men ham tanlovlar ichidaman. Ha, sovrin uchun nomzodman, lekin nima bo‘lishini vaqt ko‘rsatadi.
Kilian Mbappe, “PSJ” futbolchisi
Avvalroq “PSJ” prezidenti Nosir al-Helayfi Kilian shartnomani uzaytirishni istamasa, unga eshiklar ochiq ekanligini ta’kidlagandi. Madridning “Real” klubi futbolchi uchun asosiy da’vogar bo‘lib turibdi.
Mbappening parijliklar bilan shartnomasi 2024-yil yozida o‘z nihoyasiga yetadi.
Izoh (0)