Argentinalik futbolchi Lionel Messi 2023-yilgi “Oltin to‘p”ni qo‘lga kiritganidan so‘ng o‘z hissiyotlari bilan bo‘lishdi.
Yana bir marta bu yerda bo‘lish yoqimli. Jahon Chempionatini yutish orzusini amalga oshirish yoqimli.
Faoliyatim bu qadar bo‘lishi tasavvurimga sig‘masdi.
Har bir “Oltin to‘p”ni o‘z o‘rni bor. Lekin eng muhim sovrinlar — jamoaviylari. Bu sovrinni jamoadoshlarimsiz qo‘lga kirita olmasdim.
Mbappe va Holand favqulotda iste’dodli futbolchilar. Kilian bilan ikki yil birga o‘ynadim va unda ulkan mahorat borligini bilaman.
Ikkalasi ham hali yosh. Kelajakda ularni mana shu sahnada ko‘ramiz. Holandni ham ajoyib faoliyat kutib turibdi. Ikkalasi ham “Oltin to‘p”ni qo‘lga kiritishiga ishonchim komil.
Hali uzoq vaqt futbol o‘ynamoqchiman. Lekin, jismoniy holatimga qarashim aniq. Iloji boricha ko‘proq maydonda vaqt o‘tkazish maqsadim. Chunki futbolni juda yaxshi ko‘raman.
“Barselona” dunyoning eng yaxshi klubi. U bilan birga ko‘plab sovrinlarni qo‘lga kiritgan. U boshqa klublardan ajralib turadi. Doimo ularni o‘yinini kuzatib boraman. “Barselona” butun umr qalbimda qoladi.
Lionel Messi, 2023-yilgi “Oltin to‘p” sohibi
36 yoshli Messi o‘z faoliyatida 8-marta “Oltin to‘p”ni qo‘lga kiritdi. Bundan avval 2009, 2010, 2011, 2012, 2015, 2019, 2021-yillarda ushbu individual sovringa loyiq ko‘rilgan.
Izoh (0)