6-mart kuni mashhur turk aktrisasi birinchi marta ona bo‘lgani ma’lum bo‘ldi. Neslihan Atagul va uning turmush o‘rtog‘i Kadir Dog‘uluning o‘g‘li dunyoga keldi. Yulduzli juftlik ijtimoiy tarmoqlarda o‘zlarining yangi oila a’zosi bilan birgalikdagi suratni joylashtirib, uni qarshi oldi.
Aktyorning shaxsiy blogining stories’ida o‘zi, baxtli xotini va chaqaloqning yuzini qo‘li bilan yopib qo‘ygan surat joylangan, shuning uchun obunachilar faqat chaqaloqning kichkina qo‘llarini ko‘rishlari mumkin. Aytgancha, er-xotin birinchi farzandiga ko‘k rangli liboslarni tanlagan. “Xush kelibsan, o‘g‘lim Aziz”, deb yozgan turk aktrisasi o‘g‘liga murojaat qilib.
Eslatib o‘tamiz, Neslihan Atagul va Kadir Dog‘ulu 2016-yilda turmush qurgan. To‘y Istanbulda bo‘lib o‘tgan. O‘tgan yilning iyul oyi oxirida juftlik ota-ona bo‘lishga tayyorgarlik ko‘rayotganini e’lon qilgandi: “Biz bu baxtni biroz vaqtgacha sir saqlashni xohlagandik. Biz baxtlimiz va yaxshi holdamiz”, degandi o‘shanda aktrisa.
Aktrisa va uning turmush o‘rtog‘i uchun bu juda uzoq kutilgan farzand edi. Neslihan Atagul homiladorlik davridagi suratlariga “Men baxtliman! Hatto juda baxtliman! Turmush o‘rtog‘im va oilam bilan, biz juda katta hayajon hamda sabrsizlik bilan kutayotgan farzandimiz bilan” deb yozgan.
Izoh (0)