Neslihan Atagul va Kadir Dog‘ulu Istanbulning eng go‘zal va sokin hududlaridan biridagi keng va shinam hovlida istiqomat qiladi. Yulduzlar ba’zan ijtimoiy tarmoqlarda o‘z uylarida tushgan suratlarini joylab, muxlislarga qanday hayot kechirayotgani haqida so‘zlab beradi.
2016-yilda turmush qurgandan so‘ng, yosh kelin-kuyov narxi 550 ming dollar bo‘lgan xonadon sotib oldi va bugungi kunga qadar o‘sha uyda yashab kelmoqda. Mazkur hovli Turkiyaning mashhur aktyorlar uylari orasida eng qimmatbahosi bo‘lmasa-da, uning alohida o‘ziga xos xususiyati bor: uy Qora dengiz bilan Marmar dengizini tutashtirgan Bosfor bo‘g‘oziga qaragan.
Hovli
500 kvadrat metrli xonadon atrofidagi hudud tabiatni sevuvchilar uchun mo‘ljallangan. Bu yerda qulay sayr qilish va madaniy hordiq chiqarish uchun barcha narsa mavjud: keng maysazorlar, gulzorlar va ajoyib bog‘lar doimo parvarish qilib boriladi.
Suratdan ko‘rishimiz mumkinki, Neslihan to‘rt oyoqli do‘stlari — uy hayvonlari bilan tez-tez sayr qilib turadi. Shuningdek, bu yerda yozning issiq kunlarida dam olish uchun osma to‘shak (gamak) ham o‘rnatilgan.
Uyning ichki qismi
Xonadonning interyeri va dizaynini yaratishda shaxsan Neslihanning o‘zi ishtirok etgan va bor mahoratini namoyish etgan: har bir xonada keng derazalardan taraladigan yorug‘lik va qulaylik mujassam. Och ranglardan iborat devorlar va yog‘ochdan yasalgan dizaynerlik mebellari uyni yanada qulay va funksional qiladi. Har bir xonada nafis san’at asarlari, turli suratlar va zamonaviy lampalar qo‘yilgan.
Uyda baraban va boshqa musiqiy asboblarni chalish uchun maxsus alohida xona mavjud. Bu yerda Neslihan bo‘sh vaqtida qo‘shiq kuylaydi, baraban chaladi va ijodga sho‘ng‘ib ketadi.
Yotoqxonada ham och ranglardan foydalanilgan, derazalarda qalin kulrang pardalar osilgan. Ushbu rang moda olamida doim urfda qoladi va har qanday interyerga mos keladi.
Mehmonxonada keng yog‘och stol bo‘lib, u yer ham ish, ham oilaviy kechki ovqat uchun mo‘ljallangan. Ovqatlanish stoli katta bar peshtaxtasi ko‘rinishiga ega.
Oshxona interyerida asosan oq rangdan foydalanilgan. Undagi mebellar zamonaviy jihozlar va qulay ish stollari bilan jihozlangan.
Oshxonadan keyin ovqatlanish xonasi keladi, u yerdagi yorqin sariq stol ortida pianinoni ko‘rish mumkin. Bunday element turk yulduzlari oilasining musiqaga va umuman san’atga bo‘lgan muhabbatini va ijodkorligini ifodalaydi.
Izoh (0)